وقفت كرهبة من نوع لخشين طويلة ... بحدا شركة صادق السرية... كيف راو رجالو كرهبة سي حسام مشاو فتحو الباب... -حط ساقو فالارض صباطو يشعل... حسام كلو وهرة واناقة ... لبدن كيفاش و كوستيمو يشعل ع صدرو رمزHR.. لينات فوق عينيه... هبط ديراكت دخل معاه بوديڨارد ...عند سي صادق لي قاعد ساق ع الساق... - صادق : قام يرحب بيه... سي حسام اهلا بيك سلم عليه باليد... تفضل تشرب حاجة... -حسام: مانيش مطول جيت ناخذ السلعة الجديدة ...حاضرة!!... -صادق: اي بالطبيعة سلعتنا ديما حاضرة..... هز تليفونو ملاك جيبيها... - دخلت ملاك شادا شمس من ايديها تكركر فيها... -ملاك: تفضل سي حسام سلعتك تلها بيها مزيان ... -خزرلها حسام... حالتها كيفاش وجها اصفر ..دبشها موسخ شعرها ع وجها... حفيانة ظاهر فيها تاعبا برشا... رجع تلفت لصادق... -حسام: قداش!!... -صادق: تكا للكرسي 50 مليون... -حسام: جبد شاك كتبلو لي طلبو ... تفضل ... اشر لبوديڨارد باش يهزها ... - شمس تصيح ع طول صوتها ... -ملاك ربعت ايديها ابتسامة النصر ع وجها ... -ملاك: هاكا نكون خلصنا منها ع ضربة مسكينة شنوا مستني فيها... -صادق: بنتي ملاك ايجا شوفي خطيبك شنوا عامل... -ملاك: تلفتتلو ...شنوا!! قربت ل tv ... -صادق: اياس قدم بلاغ لي يلقا شمس يعطيه 50 مليون... طرشق بالضحك ... مايعرش الي شمس متاعو باش ياخذولها اعضاءها ويبيعهم هز الشاك يعدي بيه ع شفايفو... -ملاك هزت كاس بيرا شربتو ع ضربة تهبط في غشها ... -ملاك: خبطت الكاس ع البيرو ...والله لما ندفعو الثمن غالي ستنا عليا ... .... في كرهبة حسام شمس قاعدة مقابلة حسام تبكي وتخبط في روحها... حسام قاعد ساق ع الساق... -حسام: تنهد .حبط ساقو ..صرعتيني... نقصي حسك ... -شمس: سيبني خليني نمشي ع روحي ... يا حيوان وين ماخذني... -حسام: طلعو حاجبو المضروب... هز ايدو عطاها كف لايقرا لايكتب حست وذنها تصم... صاحت حطت ايدها ع خدها... طرشقت بالبكا... .... اياس مالقا مايعمل قلبو تكبس عليه ضاقت بيه الدنيا وين يمشي يلقا خيال شمس ... ماكانش متوقع انو يجي يوم وتمشي عليه شمس بالطريقة هاذي ويصرا فيه هذا الكل ... واقف ع الروشيات مقابل لبحر... يبكي بحرقة اي اياس لي طول عمرو قوي واقف ع ساقيه جبال الدنيا هزها فوق ظهرو... لمغزل الغيور العاشق... لي كان كلمتو تمشي انهار عصابو ومعادش ينجم يخبي اكثر.. يصيح ويخبط فالحجر بساقو ... يفرفش في شعرو يصيح باعلى صوتو... -اياس: شمس... طاح ع ركايبو راسو فالارض يبكي دموعو يقطرو من خشمو ... حالتو تبكي لحجر... -اياس: شمس حبيبي وينك انا ماعادش نجم معادش نجم نتحمل فراقك... مانجمش نعيش من غيرك...يخبط في راسو في حالة هيستيريا ... انا سبب ماصاب كون خذيتك معايا نهارتها....انا نستاهل الموت اي نستاهل نموت ... قام يتلاوح لين وصل ل حافة طل ع البحر الهايج يضرب بامواجو ع الروشيات... يقرب شوي شوي ... -صاي اياس باش ينتحر ويتهنا من عذاب الحب لي في قلبو ومن عذاب فراق حبيبتو الغاليا ومن عذاب الضمير هو السبب كون ماهبطهاش من الكرهبة ماكانش صار هذا الكل... عذابو يزيد كل ثانية تتعدا من غير شمس... قرب للحافة اكثر... غمض عينيه خذا نفس يرا شمس واقغة بعيدة عليه برشا قرب يرمي روحو ... تليفونو نوڤز... فتح عينيه جبدو من جيبو رقم مجهول... -اياس: نعم!! .. اي انا اياس شاكر... رجع لتالي شنوا ... باهي باهي... رجع للكرهبة يجري... شغل الكرهبة وطار ... وصلو خبر الي راو شمس في كرهبة وعطوه نوعها... .... وصل حسام للمركز السري متاعو الرجال لابسين لكحل عليهم رمز HR في كل بقعة محوطين المركز... هبط حسام هبط لينات علقهم في شوميزتو... الكل يحترموه ... -حسام: خزر لواحد من رجالو ...هبطوها جيبوها للبيرو ... دخل للبيرو فسخ جاكيتو حطو ع الكرسي واقف مقابل الشباك... -دخلو شمس بيناتهم ... سيدي!! ... - حسام مدور بظهرو هز ايدو اشرلهم باش يمشيو...سمع الباب تسكر... تلفتلها يخزرلها من فوق اللوطا... قربلها اكثر يدقق فتفاصيل وجها وبدنها... حطط ايديه فجيوبو ...يحوم عليها كاينو يعملها في سكانار -شمس مهبطا راسها دموعها نشفو من كثرة البكا... خدها مرسوم عليه كف... تخزرلو بشطر عين - حسام: قرب للبيرو ... هز تليفونو... اميرة ايجا ... درج دخلت اميرة ... -اميرة: نعم سي حسام امرني!!... -حسام: اعملي اللازم معاها... -شمس: طلعت راسها مفجوعة .. بربي ماتعملولي شي شنوا ذنبي انا ... نبوس رجلك ماتعملي شي... - دار ظهرو ومشا جبد سيڨارو خشين حطو في فمو شعلو... قعد ع طرف البيرو ... يحرق فيه ... -اميرة: شدتها امشي معايا ماتخافيش... -ماعندها حتى خيار آخر طاوعتها مشات معاها... دخلتها لغرفة ظاهر عليه حمام... ...قبل مايدخلو خزرت شمس ل اميرة بعيونها لحمر لمنفخين تترجا فيها... -شمس: اختي بربي عطيني تليفونك نطلب اياس اكيد باش يجي ياخذني من هوني... -اميرة: متاسفة ... من غير ماتعبي روحك ...لي يدخل لهوني مستحيل يزيد يخرج... فيبالك لي جاو قبلك ماحاولوش يهربو... اما سي حسام ... -حسام: خرج من البيرو راهم واقفين... غمزلها شفما غادي!! -اميرة: هبطت راسها لا شي طمن كلشي بخير... شدت شمس دخلتها للحمام سكرت الباب
أنت تقرأ
اختي عشيقتي N.B (مكتملة)
Actionتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
