ح 73
طلعت سينا لبيت شمس حطت ايدها المقبض و فتحت الباب بلعقل... تلقا شمس راقدة...قربتلها... غطاتها مسحت ع شعرها وخرجت سكرت الباب... مشات لبيت اياس دقتو... - اياس خذا دوش واقف فلمرايا يعدل في شعرو... -اياس: نعم... تبسم امي الغاليا... حضنها باسها ع جبينها... خوفتيني عليك ... -سينا: يا روحي انت سامحني كنت بحاجة نقعد وحدي -اياس: مايسالش الحاصيلو رجعت ريت ابتسامة متاعك ... ربي يخليك ليا رجع حضنها ... -سينا: يعيشك ... تعشيتو انت واختك... -اياس: جبد عليها مانعرش ماريتهاش ... -سينا: باهي ...نخليك ترتاح تصبح بخير... -اياس: وانتي من اهلو...طرح روحو ع الفرش جبد سيڨارو يحرڨ فيه يكمبص ويكور يطلع ويهبط مخو باش يتجلط ... كيفاش وقتاش باش يقولهم الي هو وشمس باش يجيهم بي بي وهوما لتوا معتبرينها بنتهم واختي ... اففف مالا حالة ... ......الصباح.... قامو سينا وحكيم الصباح بكل حيوية ونشاط فرحانين... راو الجو مزيان ... خرجو للجردا تحت الشمس الدافيا و السما زرقا... لهوا منعش ... حطت لفطور فوق الطاولة رتبتو ع ذوقها... وقعدت مقابلة راجلها تشرب في قهوتها عاملين جو كاينهم عرسان جدد.. .... - اياس في بيت نومو راقد ع كرشو غارس راسو فالمخدة في سابع نومة ... -دخلت شمس ع راس صوابعها تمشي بلعقل باش ماتفيقوش... لابسة شوميز قصيرة خلات شطر الباب محلول... قعدة ع طرف الفرش... -شمس: تمسح ع شعرو اياسووو حبيبي... -اياس: حل عينيه بلعقل شمس!! تقلب ع ظهرو مسح ع شعرو تكا للمخدة صغرونتي صباح الخير... -شمس: صباح النور جينا انا ولدك نقوموك صارت ساعة ظهر .. -اياس: تبسم ..مد ايدو لكرشها يمسح عليها بحنية... ولدي قاعد تسمع فيا... حط وذنو ع كرشها... شمس!! -شمس: تخبشلو في شعرو نعم .. -اياس: سكري وذنيك نحب نقول حاجة لولدي... -شمس: طرشقت بالضحك.. ... -حكيم: اياس وشمس لتو ماقامو!!... -سينا: يظهرلي... نمشي نفيقهم ماعادش بكري... طلعت سينا لغرفة شمس دقت مرة مرتين وفتحتو -سينا: شمس!! .. وين مشات ع ااصباح سكرت الباب ومشات لبيت اياس قبل ماتفتح الباب تسمع في صوت شمس تضحك...حطت ايدها ع الباب تحل وحدو .. ترا اياس حط راسو ع كرشها... -اياس: باش يكون يشبهلي موش هاكا... وغيور كيفي -سينا: حطت ايدها ع فمها...و مدت خطوة تخزرلهم مصدومة... بصوت واطي ...مستحيل... -طلعو روسهم زوز خزرولها... -سينا آخر شي تتمناه انها تسمع خبر يصعق كيف هذا موش مصدقة لي قاعد يصير يمكن هذا كابوس ولا اي شي الحاصيلو ماتكونش حقيقة .... -شمس حطت ايدها ع شفايفها تمنات كون تشقات الارض وبلعتها لحظتها...قامت مشات لبيتها... -سينا جامدة تخس دنيا تحركت تحت ساقيها... -اياس نفخ ع لحكاية نطر لغطا بالغزول وقام قربلها .. -اياس: امي!! -سينا: اياس صحيح لي سمعتو... -اياس: تنهد وخزر للفراغ هبط راسو ... رجع هزو ...اي صحيح انا شمس ع علاقة ... -سينا: تصعقت ...قربت طيح شدت فالباب موش مصدقة اكدلها لي سمعتو بكل بساطة... -سينا: اما... اما شمس اختك كيفاش تسمح لسيادتك تقربلها... -اياس: بمجرد حد يقولو الي اختو يهبل... عدا بصبعو ع شفايفو مغزل...امي من غير مانكذبو ع بعضنا كلنا نعرفو الي شمس متبنينها ...عمرها لاكانت اختي ولا بنتكم... لاهي من لحمها ولا من دمنا جوست كبرت وتربات بيناتنا ... حتى حليبك ماشربتوش ... كيفاش تسميها اختي... لي في راسي باش نعملو حاولو تتقبلو فكرة عاد... دخل صال دوبا طربڨ الباب... -خرجت سينا دخلت لبيت شمس... - خرج اياس ينشف في وجهو ... يسمع صياح جاي من غرفة شمس.. عقد حواجبو ... رما البشكير وخرج.. -اياس: حل الباب ... امي شفما!!... -سينا: معصبا ... انا مستحيل نقبل هالعلاقة انساو تكونو مع بعض كان ع جثتي ... خزرت لشمس بستحقار... بصراحة اياس توقعتها منو اما انتي خيبتيلي ظني... -اياس: مغزل ... امي ماتحطيش الحق ع شمس ... انتي تعرفي الي نحب شمس من صغري حاولتو تبعدوني عليها الف مرة اما انا شديت الصحيح -سينا: اسمعوني انتو زوز كان كملتو فالمهزلة هاذي باش نتبرا منكم لا انتو ولادي ولا انا امكم باهي ... وانتو ختارو خلاتهم واقفين وخرجت خشمها فالسماء... - اياس كلام امو هبط عليه كالصاعقة . في بالو الموضوع باش يكون اسهل من هك اما الامور نقلبت ضضهم... -شمس: تبكي... اياس سمعت شنوا قالت... -اياس: قربلها شدها من كتافها ... شمس صار لازم نواجهوهم ونقولو الي انا وانتي مستخيل نبعدو ع بعضنا... طبس راسو ... واضح -مهبطة راسها حركت راسها نعم -شبك صوابعو فصوابعها وكبس عليها -شمس: اياس امانك حاول تحكي معاهم بلعقل... -اياس: باهي نحاول ... هبطو مع بعضهم ... خرجو للجرا وقربولهم... -اياس: شنوا المشكلتكم... شنوا قلقكم فلحكاية... -حكيم: اياس موش معقول لي قاعد تعمل فيه مستحيل نتقبلوها... -اياس: ڤحرلو انت آخر واحد نسمحلو يدخل فحياتي ع اساس انت ديما تعمل المعقول ... -سينا: اياس حترم بوك...
أنت تقرأ
اختي عشيقتي N.B (مكتملة)
Actionتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
