ح 59
ضرب Pc نطرو خبط فالحيط... شمس تفجعت ... قلب الطاولة وقام فرفش في شعرو يحس مخو يتحرق... خبط الكرسي بركل
-اياس: شنوا هذا يا شمس... بصوت عالي تكلمي ...
-شمس: اياس خليني نفهمك انا ماعملتش هاكا بخاطري...
-اياس: هز ايدو وعطاها كف ... تنطرت ع الفرش ... تبكي...
-اياس: طلع فوق الفرش شدها من شعرها ...دورها عندو مكشر ع سنيه ... انتي وحدة ماتسوايش تستاهلي تموتي ... ماتوقعتش نرا منك شي هذا... قام يكركر فيها...
-شمس: تبكي ...امان اياس سمعني مبعد اعمل لي تحب عليه...
-اياس: سكري فمك خبطلها راسها فالباب ... اششش مافما شي يبرر لي ريتو ...
....
وصل حكيم للمركز ..وقف الكرهبة كالعادة هبط ... هز لينات فوق شعرو ودخل للمركز ...
-وقفت سينا الكرهبة بعيدة عليه شوي متخبيا..
-سينا: راتو كيف دخا...طلع كلامو صحيح يمكن انا قاعدة نزيد فيه وكهو مسحت ع شعرها خذات نفس ريحلها بدنها..... الله يلعنك يا بليس وسوسلي وخلاني نشك في راجلي ... رجعت بالكرهبة تالي ورجعت للفيلا قبل مايراها...
-طل حكيم مالشباك يلقاها مشات... حط لينات وهبط... ركب فالكرهبة ومشا للكافي... ...
صحر قاعدة تخزر للمنڤالا هزت تليفونها تطلب فيه... تسمع تليفون ينوڤز قريب منها تلفتت للباب تلقاه قدامها...
-صحر: واخيرا شرفت... سلمت عليه شبيك بطيت؟؟...
-حكيم: سينا شكت فيا وتبعتني ...
-صحر: خبطت تليفونها مغزلا سينا مرة اوخرى موش قتلي رفعت دعوة فالطلاق ...
-حكيم: اليوم توصلها الدعوة ... وبعد جمعة نطلقو ونتهناو منها ع ضربة ... ماتقلقيش روحك...
-صحر: باش نشوفو آخرتها كيفاش...
....
وصلت سينا للفيلا ... فما شكون واقف عند الباب(ساعي البريد) ..
-سينا: حاجتك بحد...
-سينا شاكر!!...
-سينا: انا...
-تفضلي... عطاها ورقة طلب منها توقع ... صححت سينا ...
-سينا: ميرسي ... دخلت للفيلا تسمع فالصياح وتكسار ... حطت الورقة ع الطاولة وطلعت لفوق قلبها بين سنيها... دخلت لبيت شمس ... حلت فمها عينيها يلعبو يمين يسار وفالارض...بيتها مقلوب فوقاني تحتاني تقولش زوبعة تعدات من هوني
-اياس شفايفو بالدم يلهث شعرو مفرفش عينيه شاعلين نار... بعد لي عملو لكل بركان يغلي في داخلو...
-شمس طايحة فالارض تبكي جبهتها تجري بالدم...
-سينا؛ مافهمت حتى طرف ... شنوا صاير هوني!!...
-اياس: صورة بين عينيه موش واضحة ...مسح ع شفايفو بايدو يكح ... قرب يطيح شد فالحيط... هبط ايدو لقلبو يحسلو يتكبس ويتكبس كون يزيد.لحظة باش يتجلط...
-سينا: اياس ولدي قربتلو تو قبل مايطيح ...
-طاح ع ركايبو يعصر في وجهو وجع يهز فيه وينفض مانجمش يتحمل ... سند ايدو وجهو فالارض يرد فالدم ... انهارت عضلاتو...
-سينا: اياس ولدي شنوا صارلك... شمس فيسع اطلبي الاسعاف...
-قامت شمس مخلوعة... هزت تليفون اياس طلبت الاسعاف...
-اياس يكح بلقوي كل كحا يحس روحو تطلع وتهبط... وجع اقوى منو...
-سينا: اياس ولدي قوم هز راسك... حاول تاخذ نفس...
-اياس: غمض عينيه يحاول يقوي روحو يرا صورة شمس بين ايدين حسام الكلب... عضلاتو تشدت وعروقو ظهرت... قام بلعقل... يمشي تقولش عليه سكران...
-سينا: اياس ولدي وين ماشي...
-دخل اياس لبيتو... هز فرودو ... واحد ع جنبو الايمن ولاخر ع الايسر... خذا نفس... غلغل صوابعو في شعرو ...
-اياس: مايسالش انت خذيت مني شمس وانا باش ناخذ روحك...
أنت تقرأ
اختي عشيقتي N.B (مكتملة)
Akcjaتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
