ح 3 4
وقفت الطاكسي قدام الفيلا هبط اياس ... دخل للفيلا... -سينا: اهلا ولدي... -اياس: امي عزيزتي شنوا حوالك!! باسها ع جبينها... -سينا: بخير خزرت للباب ... اياس !! -اياس؛ يفك فالربط ع ايدو... نعم -سينا: مجاتش معاك شمس!! ... - اياس كان يفسخ في ضماد ع ايدو جمد... خزر ل سينا ... -اياس: شمس موش هوني انتي متأكدة ... -سينا: في بالي مشات معاك... -طلع لبيتها كيف المهبول... فتح الباب عقلو باش يخرج من بلاصتو... -اياس: يصيح...شمس!! ... فتح باب صال دوبا... شمس!!... قلبو باش يخرج من بين ضلوعو ... شمس!! هبط يجري ... -اياس: امي شمس موش موجودة... دار في نفس البقعة حط ايدو ع شباك الدروج الافكار الخايبة تلعبلو بمخو... -سينا: تليفونها في ايدها نطلب فيها تليفونها مسكر ... موش مستانسا تعمل هاكا... -اياس: وين باش تكون...وين... -سينا: وسع بالك تو تجي ماعندها وين تمشي... - خرج هز كرهبة الشوفار الخاصة بسينا... وطار بيها لدار كرم... وقفها بزربة وهبط يجري... لقا كلشي كيف ماخلاه... -اياس: شمس!! يخزر يمين يسار شمس وينننك! ... ضرب بساقو مخدة قدامو نطرها غادي... حط ايديه في وسطو ياكل في سنيه... خرج هز كرهبتو وطار بيها لدار لي كانو فيها... دخل يشم في ريحة الرصاص المحروق... يكح ... -اياس: شمس؛!!! شمس!! انتي هوني!! شمس بربي قولي الي انتي هوني... دخل للكوجينة هز تليفونو... وخرج ... طلع للكرهبة ... -اياس: وينك يا شمس وينك راني باش نتجلط ... سند راسو لتالي طلعو لفوق... ياربي مايكون صايرلها شي ... خبط ايديه زوز ع الفولو ... كون تصيرلك حاجة مانيش باش نسامح روحي جملة... خذا نفس ... شغل الكرهبة ومشا للجامعة الليل كلو يفركس عليها باش يهبل كل ما يمشي لبقعة يقول اكيد باش نلقا شمس اما يطلع بخيبة امل...خرج من المطعم لي ديما تمشيلو شمس... شدتو هيستيريا متاع الكح...سند ظهرو شد صدرو لي قاعد يحرق...جبد منديل مسح ع شفايفو يلهث المرة الثالثة لي يصيرلو هاكا في يوم واحد... طلع الكرهبة ومشا... سينا تطلب وتعاود ... حكيم ماخلا مابقا لي طلع بايدو عملو ...قلب عليها الدنيا هو واعوان الشرطة لي معاه تقولش الارض تشقت وبلعتها... رجع اياس للفيلا مايعرش كيفاش لتو مازال حي لي تعدا عليه موش ساهل يحس كاينو عايش في كابوس... قاعد فالكرهبة قلبو تاعب واعصابو تاعبا كلشي فيه تاعب موش منجم ياخذ نفس... طبس راسو خزر لشباك غرفة شمس... عينيه رغرغو بالدموع... -شمس يا روحي وين مشيتي وينك وينك... اياس من غيرك مايسوا شي ... رجع خزر يرا الضو شاعل في غرفتها... هبط من كرهبتو وطلع يجري... فتح الباب يخي يلقاها سينا شادا مخدتها دموعها سبايح... طاحت دمعة من عينو يمنى ع خدو هبط راسو... تليفونو نوڤز رجع لتالي... (ملاك) ديجا لي فيه مكفيه ...ملاك آخر شخص يتنما يحكي معاها... علق عليها ... ... -ملاك: اممم... تسكر تليفونك في وجهي... باهي حتى نتا حضر روحك ... رمات تليفونها ع الطاولة عينيها يحو نار وقلبها يغلي.. شادا كاس بيرا في ايدها ... خبطتو للحيط ...طلقت صيحا من عروش قلبها... -صادق: ملاك بنتي الغاليا شفما... -ملاك: سيبني ... ابعد عليا ... تصيح... نطرت لي فوق الطاولة لكل... شدتها هيستيريا... هبطت فالقاعة شادا شعرها مكبشا فيه... -صادق: الو دكتور ايجا فيسع... ملاك رجعت شدتها الحالة... -ملاك: ايااااس... اياااس نحب ع اياس تو ... قولو يجيني... ... وصلت 4 متاع الصباح اياس مانجمش يغمض عينو... قاعد في بيتو يكمبص ...يضرب خماسو فسداسو ... -شمس وما ادراك ما شمس حبيبة قلبي و حياتي مانعرش وينها... مانعرش شقاعدة تعمل... خطفوها ولا قتلوها ولا لوحوها ولا... افكار تحوم في راس اياس... مانجمش يقعد من غير مايعمل شي... زعما نطلب سي صادق باش يعاوني... ولا نقدم بلاغ فtv ولي يلقاها نعطيه فدية... حط ايديه ورا راسو ومسح ع شعرو جابو ع جبهتو..قام وقف ع شباك ... مستعد يعمل اي حاجة ع خاطر عيون شمس...
أنت تقرأ
اختي عشيقتي N.B (مكتملة)
Açãoتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
