ح 30
-شمس: باهي تصبح بخير رد بالك وانت تقود
-اياس غمض عينيه يحاول يتمالك اعصابو ومايعملش شي يندم عليه مبعد ديجا لي فيه يكفيه... جبد ايدو بعد شمس عليه...خلط عليه...
-اياس: شهاب(اسم كرم الثاني لي مخبيه )!!..
-كرم تلفتلو حواجبو معقدين... من غير ماينطق بحرف جاتو بونيا في نص خليقتو ...طيحو فالارض شدو من مريولو لوحو فالكرهبة وطار بيه وصلو لثنية مقطوعة حد مايتعدا منها...
-هبط اياس مغزل ع لخر عينيه حمر مكشر ع سنيه مفك متاعو باش يخرج من خدو ...هز في ايدو كماشة... فتح الباب التالي...
-اياس: بصوت عالي اهبط ...
- كرم يمسح ع خشمو بالدم...
-شدو من جاكيتو خرجو وقفو قدامو...
-كرم: اياس شقاعد تعمل... وسع بالك
-اياس: شدو من جاكيتو قربو ليه اكثر بيناتهم شبر... عينيه خارجين مكشر ع سنيه... الايد لي تتمد ع شمس باش تتقص وتتلوح للكلاب لي كيفك ... صورة شمس وهي تقدلو فالجاكيت بين عينيه ...فسخلو الجاكيت متاعو رماها فالارض...
-كرم: اياس قاعد تتمادا راهو خلينا نتكلمو كلمتين من غير عنف...
-اياس: حط الكماشة ع شواربو اششش نقص حسك خليني نخمم شنوا نعمل فيك...
-اياس يقرب وهو يبعد... منظرو زرع في قلبو الخوف...
- اياس صار وحش مايعرفش الرحمة مجرم تتوقع منو اي شي الخايب ولمزيان...عينيه مرشوقين عليه ...مد ايدو شدلو صبعو مس الخاتم... نار شعلت في قلبو هذا الرابط لي يربطو بحبيت قلبو شمس...لي طول عمرو يحلم باش يوصلها وتكون ملكو... حطلو صبعو فالكماشة ...
-كرم: اياس امانك ماتعملش هاكا... فما الف حل غير هالحل...
-اياس: ببرودة قلب وباعصاب حارة ... كبس ع الكماشمة قصلو صبعو...
- كرم صاح صيحة يمكن يكونو سمعوه من القطب الشمالي.... طاح ع ركايبو تحت ساقين الوحش لي يلهث....
-كرم الدم يجري من صبعو رما بثقلو فالارض عينيه مغمضين...
-صبعو في ايد اياس والخاتم فيه... هز الخاتم ... لبزو بصوابعو... دمعة طاحت من عينيه وعروق جبهتو ظاهرة ... طبس حطلو صبعو في جيب سروالو و لوح الخاتم ف خليقتو...
-اياس: ظاهرلي خذيت جزاءك وزيادة ...
طلع للكرهبة ومشا رجع للفيلا وقف الكرهبة خزر لشباك شمس الضو شاعل... دخل للفيلا الهدوء التام الكل رقدو... طلع لبيتها... دق الباب... فتحتو شمس ابتسامة ع وجها...
-شمس: اياس حاجتك بحاجة... تخزرلو حاجبو يرعش..
-دز الباب ودخل سند ظهرو للباب ودور المفتاح...
-صوت المفتاح يتعاود في مخها... عينيها عراضو...بلعت ريقها ناقوس الخطر ... قربلها بلعقل... ترجع بخطوة تالي حتى حصرها فالحيط...
-حط ايد ع يمينها وايد ع يسارها...
-شمس تو بين ايديه مقابلة صدرو لي قاعد يطلع ويهبط من غير توقف... مهبطا عينيها... قربلها اكثر.. حطت ايدها ع صدرو كحد بيناتهم ... تشم في ريحتو لقوية... يشم في نفسها السخون لي قاعد يخرج من خشمها بسرعة... قرب خشمو لجبهتها وشفايفو ع عينيها... هبط راسو بلعقل لخدها...
-شمس بلعت ريقها صدرها يطلع يهبط قلبها يدق بسرعة كبيرة... طلعت راسها عينيهم مرشوقين فبعضهم دقيقة صمت بيناتهم... ممزوجة ببارشا مشاعر... -اياس: بصوت حزين ...علاه عملتي هاكا...يا شمس علاه!!
-شمس: اياس!! ...
- حط صبعو ع شفايفها لحلوين.. مايعرش منين لم الجرأة الكافية باش يمد ايدو ...
-اياس: اششش ..انا لي نتكلم وكهو...حلي وذنيك مزيان...يا تفسخي الخطبة يا ندبحو ونشرب من دمو..
-شمس: عينيها وساعو... اياس ان...
-اياس: مد ايدو شدها من دقنونتها... شمس انتي مستحيل تعرسي ولا تكون لحد آخر قلبي مايتحملش... مانسمح لحد يقربلك ولا تقربيلو نحلفلك باش نقتلو ونقتلك معاه انتي زادة... -شمس جامدة باهثة فيه وفي طريقة كلامو الف سؤال قاعد يدور في راسها مافماش جواب...
-اياس: في ايدك يوم عمل ايدو 👆 واحد... فكري مزيان فلي قلتو... جبد عليها ومشا لبيتو... شمس شدت رقبتها تتنفس بصعوبة ... قعدت ع الفرش كابسة ايديها ع لغطا .. كلامو ونظراتو... خلوها ترعش من راسها لساقيها ....هزت تليفونها تطلب في كرم... لي ملوح غارق في دمو
....
الصباح تعدا صياد من نفس البقعة لي ملوح فيها كرم... يلقاه مرمي قربلو ... هز تليفونو طلب الاسعاف هزوه وطارو بيه لكلينيك بسرعة....
شمس خذات دوش وخرجت من بيتها تلقى اياس زادة كيما سكر باب غرفتو...
-شمس: صباح الخير
- طفاها تعدا من بحداها.. وهبط للوطا...
-خلطت عليه ... دخلت للكوجينة...
-اياس: صباح الخير امي...
-سينا: تحضر فالعصير...صباح النور يا عمري قداش ستنيت هالنهار لي نقوم الصباح نلقاك قدامي...
- هز حبة زيتون رماها في فمو طلع عينيه... شمس تشرب في قهوتها ساكتا عينيها مهبطين... خزر لصبعها را الخاتم... دور وجهو يخزر لفراغ عاود خزرلها
-اياس: شمس شقولك نخرجو نبدلو جو...
-شمس: من الخوف جاوبتو من غير ما تخمم لا ...
- طلع حواجبو مستغرب مع انو كان متوقع تقولو لا...
-شمس: قصدي عندي مانعمل ...
_اياس: اممم يحرك في راسو باهي... تليفونو نوڤز... جبدو من جيبو مالتالي... خرج للجردا
-اياس: اهلا ملاك... اممم تو مانجمش ...
-شمس كملت تشرب في قهوتها تخزرلو كاينو متوتر يحك في رقبتو ..هبط ايدو حطها في جيبو من التالي...
-سينا: شمس عزيزتي هاني ماشيا مع عفيفة نشريو حاجات للكوجينة تو نجيو...
-شمس: باهي ...
خرجت سينا وعفيفة مالفيلا... بقاو كان اياس وشمس كهو... دخل اياس للكوجينة ...
-حطت فنجانها ع الطاولة قامت مشات خطوتين...
-شدها من ايدها هبط ايدو بلعقل لين وصل للخاتم فسخو ...
-شمس: اياس شقاعد تعمل
أنت تقرأ
اختي عشيقتي N.B (مكتملة)
Hành độngتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
