ح 9
مشاو للبوتيك ...شراو دبش جديد ختارهولها اياس مستور ويليق بيها... شمس ماكنتش مقتنعة برشا اما ذوق اياس موش خايب لهدرجة.... خذات برشا دبش...
-اياس: هااا شقولك في ذوقي...
-شمس: بصراحة لي كانو عندي احسن اما مايسالش ندبر اموري بهاذم...
طلعو فالكرهبة وصلها للفيلا ومشا ديراكت لشركة يتفقدها...مشا للبيرو متاع وسيم
-وسيم: سي اياس صباح الخير...
-اياس: صباح النور ...سي براهيم لتو ماوصلش... دخلت سكريتيرا
-سي وسيم ... سي براهيم يستنا فيكم في قاعة الاجتماع...
مشالو اياس متوتر وقلبو يدق نتيجة تعبو تو تبان... سلم عليه وقعد مقابلو...بعدما حكاو فالتفاصيل لكل و وضحو بعض النقاط فالمشروع ... توصلو لاتفاق...شركة اياس باش تتشاركو مع اكبر شركة في اروبا في مشروع جديد ينجم يوصلو ل ابعد النقاط ويرفع اسمو فوق ماهو مرفوع....
اياس فرحان ع لخر عرق جبينو مامشاش ع الفاضي ...بذكا متاعو وخبرتو نجم يطلع اول درجة من سلم طموحاتو ...
-اياس: مبروك علينا الكل وسيم انت تكفل بالافتيتاح باش نعملو اليوم قبل غدة ماعندناش وقت برشا...
-وسيم: حاضر نعملوه فالمينا ...
-كرم: اي فكرة مزيانة ومن جيهة اوخرى باش ناخدو دعم من شركائنا لي سبقنا تعاملنا معاهم انا تو
-اياس: مانحب حتى غلطة كلشي يكون جاهز وع الاصول واضح..
-وسيم+كرم: واضح سي اياس...
رجع للبيرو متاعو قعد ع طرف المكتب يحرق في سيڨارو... عاطي الباب بظهرو مقابل مقابل الشباك.. الباب يدق...
-اياس: من غير مايتلفت ... نعم تفضل...
-كرم: دخل وسكر الباب سي اياس...
-اياس: تلفتلو هاذ انت شفما !!
-كرم: حاجتي بيك فموضوع مهم برشا وخاص خارج نطاق الخدمة...
-اياس: طفا سيڨارو قعد ع الكرسي... هز القلم في ايدو يلعب بيه... نسمع فيك...
-كرم: بصراحة انا جيتك باش...
-اياس: كرم!! ادخل ديراكت فالموضوع ماعنديش وقت نضيعو...
-كرم: نحب نخطب اختك شمس ع سنة الله ورسوله...
-اياس: جمد فبلاصة ملامح وجهو تكبست ... كابس ع لقلم حتى كسرو بين ايديه... شنوا!!
-كرم: نعرف الي فاجئتك اما انا مغروم بشمس و..
-اياس: اخرج ... بصوت عالي اخرج... رما لقلم في وجهو بالغزول... اقلب منظرك ماوسخك وماصح رقعتك...
- هز روحو وخرج طربڨ الباب...
-اياس لعصب يهز وينفض فيه قلب البيرو فوقاني تحتاني كلشي نطرو للارض... تكا بايديه للمكتب يتنفس بصعوبة ... شدتو هيستيريا متاع الكح... يكح بالقوي... الدم يجري من فمو...
-وسيم: سي اياس ... شدو حطو ع الكرسي ... مسحلو فمو وعطاه يشرب....
-وسيم: انت بخير تو ...
-اياس: مطلع راسو لسقف يحاول ينظم التنفس متاعو اشرلو بايدو باش يفتح الشباك... حل الشباك باش نتخنق.....
...بعد 3 ايام
قامت شمس الصباح ع صوت اياس... حلت عينيها ترمش فيهم ...
-اياس: باسها ع خدها قومي...
-شمس: تحك في عينيها اياس!...
-اياس: اي اياس جا يقومك يا كسولة ههه...
-نطرت لغطا قامت لمت شعرها لتالي لبست بونطوفتها دخلت لدوش... اياس واقف يخزرلها قلبو يدق بسرعة... يحب يراها كيف تقوم من فرشها شعرها مفرفش وعيونها ذبلانين... يحب ياكلها يمضغها ويبلعها... اما مايطلع بايدو شي كان يحضنها ويبوسها ع خدها اكثر حاجة... مسح ع لحيتو مانجمش ياخذ نفس فتح الشباك مركز بايده ... يحاول يجبد نفس... هبط راسو يرا وردة حمرا قطفها...
خرجت شمس من الدوش...
-شمس: اااه اياس شنوا عملت بالوردة ياا علاه هاكا...
-اياس: خزر للوردة ...مجرد وردة شبيكي ...
-شمس: هاذي وردة متاعي حرام عليك راهو...
-اياس: قربلها حطها فوق وذنها...وانتي الوردة متاعي... ما فماش وردة احلا منك ياروحي ... حط دقنونتو ع شعرها محضنها يستمتع باللحظة...
باب الفيلا يدق... جبد عليها...
-اياس: فيسع حضري روحك نستنا فيك فالكرهبة ...
-شمس: فهمنا عاد ...
...
هابط فالدروج يخزر للباب...
- نعم تفضل...
-قيس: شمس شاكر هوني!!...
-اياس كيف سمع اسم شمس وقف فالباب واشر للخادمة تمشي....
-قيس: شكونك انت!! ...
-اياس: تبسم ع جنب... انا لي نسالك ولا انت...
-قيس: انا قيس صديق شمس من الجامعة ...اليوم عيد ميلادها حبيت نعطيها كادو
-اياس: اهلا بيك... صار انت هو قيس ظل تطلب فيها... طلع حاجبو جايبلها كادو زادة ...شدو من مريولو نطرو لتالي خرج معاه وسكر الباب وراه... هبطت شمس تلعب بتليفونها في ايدها ..
-شمس: صباح الخير رغد... اياس وينو!!...
- تو كان هوني معاه راجل ...
-شمس: امم باهي قولي ل امي هاني مشيت معاه... فتحت الباب... اياس جاي من غادي ينفض في ايديه... مغزل ...
-شمس: وين كنت!!...
-اياس: ڤحرلها..نعم!!
-شمس: قصدي ااا رغدة قالتلي الي فما سيد كان هوني...
طلع عينيه لي يقدحو نار...خزر ل ايدها... خطفلها تليفونها ...
-شمس: اياس شقاعد تعمل رجعلي تليفوني...
-اياس: سكري فمك لا نكسرلك سنيك ...فسخلها بيس كسرها حط تليفونها في جيبو مالتالي...
-تخزرلو مشوكيا شنوا لي خلاه يعمل هاكا...
-اياس: امشي قدامي...
-شمس: بطلت مانيش ماشيا معاك لحتى بقعة دارت ظهرها مشات...
-اياس: شدها من ايدها دورها ...مغزل..شمس!! ...
-شمس: سيبني مانحبش نمشي معاك ...ياخي بالسيف
-اياس: كبس ع ايدها اششش ردي بالك ترفعي صوتك ... فاهمة... + مانيش ناخذ في رايك باش تمشي معايا بالسيف ركبها فالكرهبة وسكر عليها مالداخل باش ماتنجمش تحلها...ركب هو زادة طربڨ الباب مشاو...
أنت تقرأ
اختي عشيقتي N.B (مكتملة)
Actionتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
