ح 33
-هزتها التصويرة تخزرلها عينيها رغرغو بالدموع رجعت ب 21سنة لتالي... تبسمت تمسح ع اياس...طاحت دمعة سخونة ع خدها مسحتخا غلقتو ورجعتو بلاصتو... لفتت انتباهها ورقة بان ليها اسم شمس مكتوب ....هزتها تقرا فيها عينيها ع عرضهم ... شلال دموع ع خدها ايديها لي شدين الورقة يرعشو شواربها يتحركو تمتم تقرا وتعاود موش مصدقة موش مستزعبة لي بين عينيها ... - دخل اياس لوح جاكيتو ع الفوتاي خزر يمين يسار مافماحد... طلع لبيتو يلقا الباب محلول عقد حواجبو قرب دزو ودخل ... المنظر لي راه صدمو... لونو تخطف ... يخزرلها يعاود يخزر لورقة لي في ايدها... قربلها بزربة خطفها من بين ايديها... _شمس جامدة عيونها سبالة...ايديها معلقين فالهوا... - اياس هز الورقة عرف الي شمس اكيد قراتها وعرفت لحقيقة... -اياس: شمس!! ... -شمس: حطت ايديها ع وذنيها تصيح... لا لاااااا طرشقت بالبكا غرست راسها فلمخدة... - اياس قلبو تقسم من صياحها...طبس ع ركايبو قدامها شدلها ايدها -اياس: شمس... خزريلي... -شمس تقوي فبلكا... جبدت ايدها... -قام اياس نفخ بلقوي وقف بحدا الشباك حط ايديه في وسطو يخمم فالوحلة لي طاحت ع راسو شمس عرفت الي متبنيا بعد.21 شي صعيب يتقبلو العقل ... -قامت شمس ع ساقيها... تحس الدنيا دور بيها ... تلفت اياس قىبلها...طاحت ع عرضها... شدها اياس قبل ماتوقع... هزها حطها ع فرشو... -اياس؛ مفجوع...شمس!! شمس!! يا روحي حلي عينيك يخبط فيها ع خدودها رجعو حمر... مشا جاب كاس ما بارد... بلل ايدو ويمسح ع وجها... ايديه يرعشو ميت بالخوف عليها... حلي عينيك شمس... -شمس: ا..ا... تحاول تحل عينيها... حلت عينيها... دموعها يسيلو يتغلغلو في شعرها... -شمس؛ كذبتو عليا حطت ايديها ع وجها تبكي... -اياس: شدلها ايدها هبطهم... ماتعمليش في روحك هاكا امان يا شمس يزي... طرشقت بالبكا ..خطفها لصدرو اششش ... كبس عليها ... عض ع شفايفو يحس بالذنب ... تعنقشت في ايدو تعصر في عينيها... شوي بعدت عليه... -شمس: قولي لحقيقة شكون انا علاه تبنيتوني شكون عايلتي نحب نعرف انا شكون ...تبكب.. -اياس: مسحلها دموعها... شدلها وجها حط عينيها في عينيه احنا عايلتك وحنا لي ربيناك من انت صغيرة ... -شمس: بصوت عالي في حالة هيستيريا... تهز وتخبط في روحها اياس قولي لحقيقة شكون انا وشكون عايلتي الحقانية... -اياس؛ تغزل ... شدها من كتافها نفضها... شمس هدي روحك ... تو نحكيلك ... دخلو سينا وحكيم للفيلا... مشات سينا لصالو تمد فسويقاتها تعبت برشا... الباب يدق... -حكيم: تو نفتح... -صحر: مرحبا انا صحر اخت كرم -سبنا: وقفت بحدا حكيم...ااا صحر اهلا بيك تفضلي... -صحر: يعيشك مدام سينا... -سينا: شنوا حوالكم ... -صحر: صافا ... امم شمس هوني... -سينا: نعم ع الاغلب في بيتها تو نطلع نقولها تفضلي لصالو... طلعت سينا دقت في بيت شمس... فتحتو... تخزر يمين يسار مافما حد... رجعت لتالي تسمع في صوت اياس وبكا شمس... قربت لبيت اياس قلبها يدق بسرعة... الباب شطرو مفتوح... وقفت تطل بلعقل... -اياس: شمس انتي بنت هالعايلة وتحملي اسمنا زادة ... بربي يزي مالبكا ... _شمس: شكونها امي نحب نعرف امي الحقانية.... -سينا حطت ايدها ع فمها اكبر صدمة عاشت سينا ... قربت الطيح تكات ع حافة الباب... موش مصدقة لي سمعتو ومن عند شكون من عند شمس... جامدة في بقعتها ماتعرش شنوا تعمل .. تدخل ولا تمشي كاينها ماسمعت شي... -قامت شمس تمسح فدموعها خرجت تلقا امها في وجها... -شمس: بصوت عالي...كلكم كيف بعض كذابين ... خليتوني نعيش وسط عايلة مش عايلتي كذابين ... لعبتو بمشاعري ... -سينا: شمس ماتقوليش هاكا.... -شمس: عمري مانسمحلكم... تعدات من بحداها لبيتها دخلت طربڨت الباب... سندت ظهرها للباب تبكي بالصوت .. -سينا دموعها يقطرو من دقنونتها كلام شمس وجعها برشا...خزرت ل اياس... -سينا: كيفاش عرفت... -اياس: خذا نفس...عرفت وحدها لقات ورقة تبني... عدا بايدو ع شعرو يحس روحو باش يطرشق الدم طلعلو لدماغو ... خبط الكنابي بساقو مغزل... يلعن في حظو - هبطت سينا عند صحر... -سينا: بنتي صحر شمس تاعبة شوي تحب تقعد وحدها... -صحر: شعرها مفرفش تقد فيه وبان عليها التوتر ...مايسالش تو نرجع في وقت اخر ... .... شمس غارسا راسها فالمخدة تبكي وتشهڨ... بعد 21 سنة كتشفت الي هالعايلة لي حلت عينيها معاهم موش عايلتها ولقبها مستعار يمكن حتى اسمها موش ايمها شكون امي وشكون بابا وعلاه تخلاو عليا بالرغم الي اياس حكالها كلشي من يوم جابوها .. دخلت في متاهة اسئلة مافماش خروج منها... فقدت الثقة فيهم ماعاد تصدق حد... عقلها موش مستوعب مانجمتش تتقبلها الي عاشت في كذبة مع اعز الناس ع قلبها... شدت قلبها تبكي بحرقة... تحب تحل عينيها من هالكابوس اما للاسف هاذي حقيقة ولازم تتقبلها... تليفونها رجع نوڤز... هزتو تبكي... -شمس: كرم ...تبكي... ايجا فيسع هزني من هوني امانك مانحبش نقعد هوني... _حكيم: يدق فالباب... شمس!! عزيزتي حلي الباب خلينا نتكلمو... الموضوع موش كيف ما مفكرة خلينا نتكلمو... -اياس في حالة يعلم بيها كان لي خلقو... واقف فالشباك يضرب خماسو فسداسو حط ايديه فجيوبو ... يرا كرهبة وقفت قدام الباب... كمش عينيه ... -اياس: كرم!! .. هبط حل الباب قبل مايدق...
أنت تقرأ
اختي عشيقتي N.B (مكتملة)
Acciónتبع ماتندمش 😘😍☺😍😘😘😳❤❣️💝💕 __💏اختي عشيقتي 💏 __ حب __ عشق __ هوس __ غيرة __ خطف __ اكشن __ تشويق بلا حدود __ +18__+18 لهجة تونسية 🇹🇳
