بين الحب والقسوة

الفصل الحادي والعشرون

حسن: معقول ليث باشا بنفسه، رايح يجيب فول وطعمية 
ليث ساخرا: ليث باشا زمان ماكنش معاه فلوس حتي عشان يجيب فول وطعمية 
نظر له حسن بدهشة ولم يعقب 

حسن: انت ليه مش عايز تطلق ندي  
ليث: هتبقي مبسوط لما ترجع بنتك بلقب مطلقة 
حسن: لقب مطلقة، احسن ما تعمل فيها زي ما عملت في تهاني وغيرها ، هو ضميرك مش بيأنبك علي الي عملته وبتعمله
ليث : الله يرحمه، ابقي اقراله الفتحة
حسن: هو مين دا
ليث ساخرا: ضميري 
حسن: ترضي حد يعمل في بنتك او في اختك كدة
ليث ساخرا: انا ما عنديش بنات ولو علي اختي فاتعمل فيها اكتر من كدة ، صدقني انا ما عنديش حاجة اخسرها

حسن: واخرتك الي هتخسرها بعميلك دي
ليث ساخرا: الشيطان عارف ان مكانه النار
حسن: هو انت عندك انفصام 
ليث : اشمعنا
حسن: ماعرفش اصلك بحالات ساعات بتبقي كويس وساعات بتقلب زي دلوقتي ، وبعدين ما فيش شيطان بيصلي، ولا بيختار سور تقول انه حافظ المصحف كله ولا بيقرا القرآن بالتجويد ولا ايه
ازدرق ليث ريقه بتوتر ، وهي يلعن بداخله تلك العائلة التي تسكته دائما بكلامها
ليث في نفسه بضيق: ما هو ندي مش جيباه من برة 
اشتري حسن الطعام واصر ليث علي دفع الحساب
حسن مبتسما: تعرف ندي بتحب الطعمية في الفينو اوي 
ليث مبتسما: انا كمان بحب الطعمية في الفينو ، يلا بقي نجيب فينو 
وقف ليث وحسن امام فرن مخبوزات واشتري ليث الكثير من الفينو والمعجنات المختلفة 
ثم اصبح يقف امام الكثير من المحلات ويشتري الكثير من الأشياء
حسن: حيلك حيلك ايه يا ابني كل الي بتشتريه دا 
ليث مبتسما: انت لسه قايل ابني ، سيب ابنك بقي يا حج يشتري براحته
حسن: طب احنا هنشيل كل دا ازاي
اشار ليث الي حرسه: وجوز الخيل الي ماشيين ورايا دول لزمتهم ايه 
اشتري ليث كل السوق تقريبا ثم عاد وهو يحمل الكثير من الحقائب هو وحسن والحارسين ، وصعدا الي اعلي 
ووضعوا الحقائب علي الطاولة حتي امتلئت ثم وضعوا الباقي علي الارض
جاءت ندي من الداخل 
ندي : ايه كل الحاجات دي
حسن: اسألي جوزك ، كان فاضله شوية وهيحط السوق نفسه في كيس ويجيبه
ندي : فين الفطار
ليث : دوري عليه ، والله ما فاكر هو فين 
ندى : ماشي ، اتفضل بقي ساعدني ودخل معايا الحاجات جوة
ليث بابتسامة مشاكسة : انت تؤمر يا قمر
ندي بخجل وبصوت منخفض: قليل الادب
أخذا بعض الحقائب ودخلا الي المطبخ 
ثم خرجا واخذا البعض الآخر ودخلا الي المطبخ ، واستمر الوضع علي ما هو عليه الي ان وضعا جميع الحقائب في المطبخ
ليث لهاثا : بوق ماية الهي يسترك 
ندي بتعب: حد قالك تجيب السوق كله 
أعطته الماء ، فشرب 
ليث : عن اذنك
ندي : استني 
ليث : نعم
ندي : ممكن بعد اذنك يعني 
ليث : اممم عايزة ايه يا ندي
ندي : فضي معايا الاكياس ورتبها في امكانها
ليث مبتسما بمكر: والمقابل

ندي مبتسمة ، فهي اعتقدت انه سيخبرها ان لا تقول له شئ يضايقه : الي انت عايزة كله
ليث مبتسما بخبث: امم انتي اللي جبتيه لنفسك
بدأ يساعدها في ضب الاعراض ، الي ان انتهوا
ندي : اخيرا خلصنا 
وقفت تلتقط انفاسها مستندة علي حافة المطبخ ، فذهب ناحيتها واستند بيديه علي الحافة وحبسها بين ذراعيه
ندي بتوتر: نعم ، عايز ايه
ليث مبتسما بخبث: مش في بينا اتفاق ، اساعدك في ترتيب الحاجة وتعميليلي الي انا عايزة كله
ندي ببراءة: حاضر يا سيدي مش هقولك انت شيطان تاني