بين الحب والقسوة

الفصل الرابع والعشرين

ياسر بلهفة: الحق يا باشا ، ندى هانم فاقت وعماله تصرخ وتخبط علي الباب 
ليث سريعا: انا جاي حالا
ركب ليث سيارته خلف المقود وساق بسرعة جنونية الي ان وصل الي المستشفى فدخل راكضا ، الي ان وصل الي غرفة منه، فوجد امامهر ياسر والعديد من الاطباء والممرضين
صاح ليث فيهم بغضب: بتنيلوا ايه عندكوا ، كل واحد علي شغله 

فر الجميع من امامه قبل أن يفتك بهم ماعادا ياسر
ليث غاضبا: وانت واقف عندك بتعمل ايه
ياسر : انا المسؤل عن حالة منه وما ينفعش اسيبها
لم يعره ليث انتباها ، بل دخل الغرفة واغلق الباب خلفه بالمفتاح وتركه يقف بالخارج 

دخل فوجد ندي تتحرك بهستريا في انحاء الغرفة وهي تصرخ وتبكي وتقول كلام غير مفهوم ومنه تحاول تهدئتها لكن دون فائدة 
ليث بحذر: ندي
التفت اليه ، فشهقت بفزع وظلت تتراجع للخلف بخوف
رفع كفيه لاعلي كعلامة استسلامه 

ليث بحذر؛ اهدي يا ندي انا بعيد اهو مش هعملك حاجه ، اهدي عشان ارجعك لبابا والاء وماما وعمار ، مش انتي عايزة ترجعيلهم
هزت رأسها إيجابا بخوف وهي تضم يديها الي صدرها عينيها حمراء من كثرة البكاء وبشرتها اصبحت شاحبة بشدة من الخوف 
ليث بهدوء: اهدي خلاص 
تقدم خطوة واحدة ،فشهقت بخوف
ندي باكية: خلاص مش عاوزة مش عاوزة

ثبت مكانه يرمقها بحزن 

منه: اهدي يا حبيبتي ، صدقيني ليث مش هيأذيكي ، دا بيحبك اوي
تقدم ليث بحذر الي ان اصبح امامها ، فضمها اليه بحنان
ليث بصوت هادئ: هششششششش ، اهدي خلاص، اهدي ، ثم اكمل مازحا اهدي عشان اجبلك مصاصات كتير اوي، واجبلك جاكت بيولد شوكولاتة زي بتاع الاء
ضحكت ضحكة خافتة بين ذراعيه، احس بها فابتسم 
منه مازحة : احم احم نحن هنا
ليث مازحا: خلاص اطلعي برة
منه: ماشي يا سي جاسر ما هو من لقي احبابه نسي اصحابه ، ماشي ماشي
ابعدها برفق عن حضنه 
ليث: مش كنتي تقولي انك عايزة حضن، كنت جيت حضنتك علي طول بدل ما تصوتي وتسرعيني 

ضربته بيدها علي صدره
ندي بصوت منخفض: رخم
ليث ضاحكا: سمعتك على فكرة
منه: يلا يا بابا بيتك بيتك انت وهي، انا عايزة استريح
ندي بخوف: لاء خليني معاكي يا منه
ليث مازحا : خلاص انا كمان هفضل معاكوا ، ووسعوا بقي عشان انا هلكان وعايز انام

ثم ذهب ناحية سرير ندي والقي بجسده عليه
ندي : دا السرير بتاعي
ليث بغيظ طفولي: روحي نامي جنب منه حبيبتك 
ثم اولاها ظهره 
ساد الصمت بعض الوقت حتي شعروا بانفاس ليث المنتظمة دليل انه غط في النوم
منه: قوليلي بقي يا ستي كل حاجة
ندي: كل حاجة زي ايه
منه: كل حاجة من ساعة ما ليث اجبرك تتجوزيه 
ندي بصدمة: انتي عارفه
منه: انا عايزة اعرف منك