ညကမိုးအေးအေးနဲ့ အိပ်လို့ကောင်းနေတုန်းမှာ ကုတင်ပေါ်က သူ့ဘေးကို အိစိအိစိနဲ့ တစ်ခုခုရောက်နေတာကိုသတိထားလိုက်မိသည်။
လက်နဲ့ထိကြည့်လိုက်သည်။ မျက်လုံးကမပွင့်သေး။
အမွေးတွေဟုထင်ရသည့်အရာတစ်ခုကို အိခနဲကိုင်လိုက်မိတော့ လူကလန့်သွားသည်။
'အမလေးလေး'
ကုတင်ပေါ်ကိုထထိုင်မိပြီး ကြောက်လန့်တကြားကြည့်လိုက်မိတော့မှ ကောင်လေးက သူ့ဘေးနားရောက်နေခြင်း။
မနေ့ညကမှ ကြောင် ၂ ကောင်အဖေ ချက်ချင်းဖြစ်သွားပြီး ဒီနေ့မနက်တော့ ကလေးတွေကိုမေ့နေမိသည်။
'ဪ ကောင်လေးပဲ ဆောရီးကွာ မင်းတို့ကိုတောင်မေ့သွားတယ်..ဂိုမန်း...(တောင်းပန်ပါတယ်) ဗိုက်ဆာနေပြီလား...'
ကြောင်မည်းလေးကိုပွေ့ချီရင်း မနက်စောစော မြှူလိုက်သည်။
ဒီနေ့ တော့ သူ့အလှည့်မဟုတ်တာမို့ အလုပ်သွားစရာမလို။ အေးအေးဆေးဆေး နဲ့ အကြောဆန့်လိုက်ပြီး ကုတင်ပေါ်ကဆင်းလိုက်သည်။
ကိုယ်တိုင်ကမျက်နှာအရင်မသစ်ခင် ကြောင်စာခွက်ထဲကို ကြောင်စာတွေထည့်ပေးလိုက်သည်။
ကောင်မလေးက ကြောင်စာနံ့ရလို့ထင်သည်။
အိမ်ရှေ့မှာအိပ်နေရင်းကနေ အသည်းအသန်ပြေးလာသည်။
ဟရုတိုက ရေချိုးခန်းထဲက သွားပွတ်တံကို သွားတိုက်ဆေးထည့်ပြီး တိုက်လျက်သားနဲ့ အပြင်ပြန်ထွက်လာသည်။
သွားတိုက်နေရင်းနဲ့ မနက်စာစားနေတဲ့ ကြောင်လေး ၂ ကောင်ကို ထိုင်ကြည့်နေလိုက်သည်။
'ဪ ဘဝ ဘဝ ငါတောင် ကြောင်တွေကိုချစ်တတ်နေပြီလား'
တွေးရင်းနဲ့ ရယ်လိုက်မိပြန်သည်။
နေ့ချင်းညချင်းကို ကြောင်ချစ်သူဖြစ်သွားတဲ့ ကိုယ့်ကိုယ်ကိုယ်လည်း အံ့အားသင့်မိသည်။
စိတ်ဓာတ်ကျနေတာတောင် မနေ့ညက ဘယ်ရောက်သွားမှန်းမသိ။
'ဒါနဲ့ ငါအလုပ်သွားရင် သူတို့ ၂ကောင်ကို ဘယ်လိုလုပ်ခဲ့ရပါ့မလဲ'
YOU ARE READING
A Vet's Pet (Hajeongwoo/RuJeongwoo)
Fanfictionမိုးရေထဲမှာ လမ်းလျှောက်နေခဲ့သည်။ ကြောင်လေး ၂ ကောင်ကိုတွေ့သည်။ စိတ်ပူစွာနဲ့ ဆေးခန်းကိုလိုက်ရှာရင်း ... တိမွေးကုဆရာဝန်လေးတစ်ယောက်နဲ့တွေ့ခွင့်ရခဲ့သည်။ ထိုနေ့က မိုးတွေရွာနေခဲ့ပါသည်။ -------- မိုးေရထဲမွာ လမ္းေလွ်ာက္ေနခဲ့သည္။ ေၾကာင္ေလး ၂ ေကာင္ကိုေတြ႕သည္။ ...