မနက်ကတည်းကဖင်တကြွကြွဖြစ်နေတဲ့ ဆရာဖြစ်သူကို ကောင်လေး ၄ ယောက်က အရိပ်တကြည့်ကြည့်။
တမင်တကာ တစ်နေရာမှားအောင်ကသွားတာတောင်ညသူကမမြင်။
ဂျေဟော့က အဆဟိကို မျက်စပစ်ပြလိုက်တော့ အဆဟိကလည်း ခေါင်းညိမ့်ပြသည်။
"အား….. အစ်ကို အစ်ကို" အဆဟိက ကနေရင်းနဲ့ပစ်လဲပြီး ခြေထောက်ကို မြှောက်ထားရင်း အော်နေတော့သည်။
ဟရုတိုက မှန်ရှေ့ထိုင်နေရာကနေ ပြာပြာသလဲ ထလာပြီး အဆဟိခြေထောက်ကိုလာကြည့်သည်။
" ဟားးဟားး နောက်တာ " လို့ပြောပြီး အဆဟိက ပုံမှန်အတိုင်းပြန်နေတော့သည်။ ဂျေဟော့နဲ့လည်း လက်ဖဝါးချင်း ရိုက်လိုက်သေးသည်။
" ဟာ လန့်သွားတာပဲကွာ အဲ့လိုမနောက်ပါနဲ့" ဟရုတိုကလည်း နောက်ပြန်ထိုင်ချပြီး ရင်ဘတ်ကိုလက်နဲ့ဖိထားပြီး ပြောလိုက်သည်။
" အဲ့လိုမှမလုပ်ရင် အစ်ကိုက ကျွန်တော်တို့ကိုမကြည့်ဘူးလေ… အစ်ကိုပြောဦး..ဘာတွေဖြစ်နေတာလဲ"
ဂျေဟော့ကမေးတော့ ကျန်တဲ့ ၃ ယောက်ကလည်းသိချင်စိတ်လေးတွေနဲ့ မျက်လုံးလေးတွေဝိုင်းလို့။
"ဘာမှမဖြစ်ပါဘူးကွာ"
"ဘာကိုဘာမှမဖြစ်တာလဲ အစ်ကိုကတော့ နောက်ပြီ..ကျွန်တော်တို့ကိုဖြင့်တစ်စက်လေးမှလှည့်မကြည့်ဘဲနဲ့...ဒီလိုကြီးထိုင်ပြီးတော့ ငိုင်နေတာ"
ဒိုယောင်းက ခါးကြီးကုန်းပြီး ငိုင်ငိုင်ကြီးနဲ့ ထိုင်ပြလိုက်တော့ ဟရုတိုရယ်လိုက်မိသည်။
တကယ်ပဲပြောပြလိုက်ရမှာလား? ကလေးတွေကိုပြောလို့ဖြစ်ပါ့မလား? သူတို့ကိုမပြောပြဘဲ အစ်ကိုဂျီဟွန်းတို့ကိုပဲ ပြောပြလိုက်ရမလား? အစ်ကိုတို့ဆိုရင်သူ့ကိုလှောင်နေမလား?
" ဟျောင်း ပြောလေ မပြောရင် ဒီနေ့အကမလေ့ကျင့်ဘူးနော်"
ဂျောင်ဟွမ်းကပါ ပြောလာတော့ ဟရုတိုလက်မြှောက်လိုက်ရသည်။
"အစ်ကို့သူငယ်ချင်းရဲ့သူငယ်ချင်းပေါ့"
ဟရုတိုက အစချီသည်။
YOU ARE READING
A Vet's Pet (Hajeongwoo/RuJeongwoo)
Fanfictionမိုးရေထဲမှာ လမ်းလျှောက်နေခဲ့သည်။ ကြောင်လေး ၂ ကောင်ကိုတွေ့သည်။ စိတ်ပူစွာနဲ့ ဆေးခန်းကိုလိုက်ရှာရင်း ... တိမွေးကုဆရာဝန်လေးတစ်ယောက်နဲ့တွေ့ခွင့်ရခဲ့သည်။ ထိုနေ့က မိုးတွေရွာနေခဲ့ပါသည်။ -------- မိုးေရထဲမွာ လမ္းေလွ်ာက္ေနခဲ့သည္။ ေၾကာင္ေလး ၂ ေကာင္ကိုေတြ႕သည္။ ...