Unicode
(ဟရုတိုအစည်းအဝေးလုပ်နေချိန်က)
"လော့ဝူ...မင်းနောက်တစ်ယောက်ရနေတာမဟုတ်ဘူးမလား"
"အစ်ကိုကဘာလို့စိတ်ဝင်စားနေတာလဲ။ ပြတ်ပြီဆို။ ကျွန်တော်တို့လမ်းခွဲပြီးပြီလေ"
လော့ဝူတစ်ယောက် တက္ကစီ အသည်းအသန်ငှားနေတုန်း ဘေးကနေ လူတစ်ယောက်က စက္ကန့်မလပ် စကားတွေပြောနေသည်။
"အာ အဲ့တာ အစ်ကိုစိတ်ဆိုးနေတုန်းပြောလိုက်မိတာပါကွာနော်...မင်းကလည်း ကိုယ့်ကိုအထင်လွဲနေတာကိုး"
လော့ဝူက ထိုလူကိုမျက်စောင်းထိုးကြည့်လိုက်သည်။
"လော့လော့ရာ...အစ်ကိုတို့လမ်းမခွဲကြရအောင်နော်..အစ်ကိုလည်းမကောင်းတာတွေပြင်ပါ့မယ်နော်"
လော့ဝူရဲ့လက်မောင်းကိုဆွဲပြီးပြောနေတဲ့ပုံက ဒူးထောက်မတောင်းပန်ရုံတမယ်။
"တက္ကစီပေါ်မှာဆက်ပြော..တက်တော့"
"ဘယ်သွားနေတာလဲ လော့လော့"
"ဓာတ်ပုံထဲမှာပါတဲ့ အရိပ်ပိုင်ရှင်ဆီ"
"ဘာ! သူနဲ့ဘာလို့သွားတွေ့မှာလဲ။ လော့ ကိုယ်ပြောတာကိုမင်းကနားမထောင်ဘူးလား...မယုံတော့ဘူးလားဟမ်"
ထိုသူရဲ့အသံက မာပြီး ကျယ်သွားတာမို့ ကားသမားဦးလေးကပါ နောက်မှန်ထဲကနေ မျက်လုံးကိုလှန်ကြည့်လိုက်သည်။
"တွေ့လား တစ်ခုခုဆို ဘာမှန်းမသိသေးဘဲ အရင်ဒေါသထွက်မယ်ဆိုတာပဲ...အဲ့တာကိုပဲကျွန်တော်မကြိုက်တာ"
လော့ဝူကပြန်ပြောလိုက်တော့ သူကအသံတိတ်သွားသည်။
"ဒီနေ့ အလုပ်မသွားဘူးလား။ ဘာလာလုပ်နေတာလဲ။ ဆေးရုံမှာ လုပ်စရာမရှိဘူးလား"
"ဆေးရုံရဲ့ ဒါရိုက်တာတစ်ယောက်က အလုပ်မရှိဘဲနေမလားကွ။ မင်းအတွက် အကုန်ပစ်ထားပြီး ဒီနေ့လစ်ထွက်လာတာ"
လော့ဝူကပြုံးလိုက်သည်။ သူ့လူကြီးက စိတ်ကြီးပေမယ့် အခုထိသူ့ကိုချစ်နေတုန်းပဲဆိုတာ သိသာနေတာမို့ မသိမသာပျော်လိုက်မိသေးသည်။
* အစ်ကိုဟရုတိုရေ ကျွန်တော့်ဘက်ကတော့ အဆင်ပြေဖို့သေချာနေပြီမို့ အစ်ကို့အတွက်ကျွန်တော် ကြိုးစားပေးပါ့မယ် *
YOU ARE READING
A Vet's Pet (Hajeongwoo/RuJeongwoo)
Fanfictionမိုးရေထဲမှာ လမ်းလျှောက်နေခဲ့သည်။ ကြောင်လေး ၂ ကောင်ကိုတွေ့သည်။ စိတ်ပူစွာနဲ့ ဆေးခန်းကိုလိုက်ရှာရင်း ... တိမွေးကုဆရာဝန်လေးတစ်ယောက်နဲ့တွေ့ခွင့်ရခဲ့သည်။ ထိုနေ့က မိုးတွေရွာနေခဲ့ပါသည်။ -------- မိုးေရထဲမွာ လမ္းေလွ်ာက္ေနခဲ့သည္။ ေၾကာင္ေလး ၂ ေကာင္ကိုေတြ႕သည္။ ...