الحلقة 27
منية :
_كيف سمعت الخبر ما صدقت لين شفت بعيوني جيت نلڨاها ملوحة كيف الخيط جهامة بلا روح مسيتها بدنهااا سخون يغليي بدلتلهااا حوايجهاا ماني فاهمة هشوليقة للابستهة من وين عرفتها عملته الحقد عماله عيونه ما ندعيله كان بلهداية ....
عملتلها كمدات حتي طاحت سخانتهاا و بداات تحل في عيونهاا ...
***************
درة : حليت عيوني حسيت الدنيا دور بيااا كل شي شفته مضبب مانه واضح ڨبالي ... جات عيوني علي خالتي منية وهي تتبسملي حسيت براحة بوجودهاا زاد هزيت عيوني للبيت نلڨي روحي ماني فاك الخربة كبرت فرحتي أكثر ..
منية :بنيتي الحمد الله علي سلامتك و لله ڨلوبنااا دم علي حالك صحصحيلي روحك شوية نڨوم نجيب لبنتي لڨمة تاكلهااا ....
وڨفت من مكانهااا اول ماخرجت عرضها بجهامته ما ڨدر يڨول معاها كلمة لكن عيونه هي لتسهل يموت و يعرف شنهي حالهاا ....
منية : ألحڨني عندي نا نحكي معاك الكلام ما يجوز هنااا و البنت تسمع .. تبعهااا و الفم ساكت الإنسان ڨداه يضعف في وجود الإنسانة لعطاتو لحياة و جابتو لدنيااا .....
_شنهي ها ولد كرشك هكاا علمتك تستقوي علي الضعيف يا خسارت تعبي و تربيتي فيك الحقد عمالك ڨلبك الإنسانة لتحاسب فيهاا رد بالك تنسي ماهي غريبة عليك راهي دمك و لحمك .... ما عنااا نسوة تخدم جبناها بنت عز ما لازم نمرمدوهااا نهار لوافڨتكم في جيبانها كان شرطي كرامتهاا ما تتهان ڨلتو القصاص حڨ ما عرضتكم هزو وحدة جبناا وحدة و يتسكر الموضوع ...
_محمد :اماااا ماهو وڨت ملامة ما غير ما تحيري لجراح لڨديمة أهلها ما هزو وحدة هزو ثنين وحدة فوڨ ترابهم و لخري تحت التراب و الثالثة تتجرع في كاس ليتم هااا أمااا ماا تنسي كيف ماا تبغي هلڨلب و( ضرب علي صدره) يكحال و يسواد كان نحكي همي للوديان تنشح
هو يحكي و منية دموعهاا تجري حيرتله مواجعه بعد ما خمدت لجراح هي عارفة ڨلبه مشوي لكن ما با إيد حيلة هذا حكم الله حد ما عنده دخل هو ليعطي الروح و هو زادة لياخذهاا و درة مضلومة كيفها كيفك ضلمتها الدنيااا كيف ما ضلماتك هاا ولد كرشي شنهي ذنبهااا هيااا ذتبها الوحيد أنو تحمل في عروڨها دم الماجري و دم العياري ...
