الحلقة 35
_ محمد : مثبتة تعرفي طيبي زيد تحرڨيلنا الدنياا نعرفك بنت دلال .. وضحك ضحكة تاع واحد واثڨ من كلامة لكن ليحسب وحده يفضله ...
درة _ أكيد بنت عز هاا سي محمد عندكةشك في هذاا إيدىتعلمت تشد السيف و إيد تعلمت خدمة البيت يسلم الله و اماا الغالية عطتني صنعت إيديااا ما نحير راني بنت ماجر اا ولد الهادي ما تڨدر علياا .
ڨالت كلماتها و هربت للكوجينة ... ما ندري هاربة منه ولا من روحي حطيت اإيدي علي ڨلبي يدڨ بقوة تاا يخرج من مضربه ..
_مرت ليام علاقتي بأرام باهية مونستني حسيتها ڨطعة مني نضحك معاها نلعب معاها رجعتني صغيرة شفت فيها صغري و ايامي لتعدو علاقتي بمحمد تحسنت نوعا ماا لكن معاد يعاملني بطريقة خايبة و ماعاد يجبرني علي خدمة لأرض ساعة ساعة نمشي حذا خالتي منية و باقي ليام في دار ما نفارڨها و هو ماهو مڨصر معايا لنطلبها تجي ليدياا ڨريب نصدڨ أنو نحن مراا و راجلهاا ....
_ درة : كنت لاهية مع ارام نحضرو في الفطور سمعته كيف روح جراتله بنته و تحملاته و هو عصرها بين إيديه كيف نشوفهم هكا نفرح تو متأكدة من حاجة انو معادش نكرهة ..
_ علي سلامتك هياا الفطور حاضر جيب البنت و إيجاا نفطرو مع بعضناا .. ڨعدنا الكل علي الطاولة و ناا في فمي كلام خايفة كان يردني لكن ما عندي حل كان نڨله :
محمد باغية نطلب منك حاجة و ما تردني ؟ حبس علي الماكلة و خزرلي خزرة كلها حيرة
_ درة : الحڨ فديت من ڨعدت الدار و ماني طايڨة ها لحسرة و زيد توحشت خالتي حليمة و باغية نشوفها ڨلت نخرج ناا و ارام اليوم نعملو دورة في الأرض و نسرحو الدم شوية .
محمد : عندك حڨ كيف ما تحبي أخرجي لكن ارام أمانة عندك حطيها في عيونك
و ما تغيبي برشة ... فرحت برشة بكلامه
_ درة : فرحتني ربي يخليك ليناا ... محمد : ليناا و شكون همااا ؟ علي كلمته فڨت علي روحي و ليت لملمت لحكاية .. لازم نمشي نحضر روحي و نحضر أرام ... وڨفت و خليته يضحك عليااا حتاا نا ما دريت علي الكلمة كيف خرجت من فمي .
بعد مديدة من الوڨت هزيت ارام و خرجت ناا وياهاا و ڨصدنا مضرب الخدامة ناوية نزور خالتي حليمة توحشتهاا .... كيف شافتني عرضتلي و البسمة مالية وجهاا كيف نشبحهاا نحسها خيال امة يدور ڨدامي سبحان الله يخلڨ من الشبه اربعين
حليمة : جيتك نورت ها لمكان يا غالية .. و تحملتني بكل ڨوتهاا طولت عيا الغيبة توحشت خيالك و ما ڨدرت نزورك في محلك ...
