الحلقة 37
_جميلة : من يوم لحليت فيه عيوني في ها الدنياا باباا الله يهديه و يرحمه سماني علي ولد عمي و ڨال جميلة لصالح ما يخذها كان هواا كبرت علي هاك الكلام و الناس الكل تعرف جميله لصالح لكن الڨلب ما عناا سلطان عليه عشڨت باباك و هو عاشڨ فيااا كانت أرض ماجر و أرض العياري أرض وحدة و فلاحة وحدة ... لين جا اليوم لحدد فيه باباي عرسي وڨتها علي ڨطع وعد علي روحه ما يديني غيره سبڨتك بلحديث علي طلبني من باباي لكن ڨله جميلة لصالح و خطبلة حليمة أختي و هو وافڨ خاتر كان الحل الوحيد باش نشبحة و يشبحني و خيتي مسكينة يمكن حبته كيفي ولا اكثر مني نشالله تسامحني و تغفرلي بنيتي وڨت يحضر الڨلب العڨل ما ليه مكان ... جاء يوم عرسي ركبوني في جحفتي ماشية لدار عريسي لكن باباك هزني بجحفتي من وسط المحفل هربني و هربت معاه ما همني لا أهلي و لا ناسي ولا أختي لخليت ڨلبها مشوي بعملتي من يومها أهلي ڨاطعوني و ڨاطعو أهل ماجر و نڨام هسياج لبين ارضنا و ارضهم يوم ڨاعدين و جانا مرسول من الهادي قال فيه لباباك كيف ما هزيت بنتنا يجي يوم و نهزو بنتكم من يومها ندعي لربي ما تجيني بنية و ما تخلص ها الغلطة لكن ربي كرمني بيك هاا ضو عيوني يومها كان اسعد نهار في حياتي لكن يومها زادة ولدت مخاوفي لكن ڨلت تعداا برشة وڨت و أكيد الثار نسوه لكن ڨعد الڨلب ماهو مطمان كنت كل يوم تغيبي فيه علي الحوش نڨول بنتي هزوها ... لكن جاا ليوم لهزوك و عيوني تخزر و ما ڨدرت نوڨفهم ... بنيتي سامحيني انت اليوم تخلصي في غلطتي ...
_درة : أماا ڨوليلي كلامك غالط و مانو صحيح بالله اماا ڨوليلي هلكلام ما كاين منه ڨوليلي شنهي ذنبي نااا حرام حتي ربي ما ڨال بيه يعني الهادي خالي تو فهمت كل ما تجي عيونه في عيوني ما يبغي يشوفني تعرفي علاش خاتر نفكره فيك و خالتي حليمة وناا نڨول شبحان الله شيخلڨ شبه بينها و بين أمااا ما لڨيت حد خلافها مسحلي دموعي هي لكانتلي الصدر لحنين لنبكي عليه في وجيعتي و أمااا نااا هي سبب و جيعتهااا امااا انت جرحتيها و هياا داوتني من اليوم أنسي انو عندك بنت و نااا من اليوم مااا عندي أم أهل ماحر خرجت منهم أمس ماهو اليوم ز نااا تو ماني إلا درة مرت محمد ولد الهادي العياري و ما يربطني يبيكم كان لعداوة .. .
