_ أااااه يااا ناس ڨلبي تفتفت من لوجيعة كلامه ذبحني وماني عارفة ولا فاهمة شنهي لعملتو ... جريت و تحملت رجله و صوتي غاب من دموعي
_ بابا راك تاج راسي ماتڨول هلكام راني كبدتك حس بيا ڨلي شنهي غلطتي ربي هو العالم عمري ما نوطيلك راسك ياا غالي راني بنتك ولله هو لخطفني يا غالي غدرني أما عمري ما سلمت في شرفي نموت وما نوطيلك راسك يا بابا شنواا العرس راني ولله ماغلط ...
_كلامي ڨلتو ناا نسيتك من ليوم لڨالولي بنتك بايتة عند راجل ولله خايف من ربي ولاا راني ڨتلتك بيدي وجهك معاد نحبه يڨابل وجهي ليوم الدين عدويا لبعتي أهلك علي جاله هاك ماشيتيله عروسة ...
_ تو فهمت كلامه و فهمت نظرت الخبث لريتها في عيونه خطط مليح و عرف كفاه يحصلني شدني من الإيد لتوجع قهرني لكن منتسماش درة كان منردلوش الصاع صاعين اليوم خسرت معركة لكن مخسرتش الحرب وليام بيناتناا ....
متكي في فرشي فرحان بفوزي عليهاا ذليتها و ذليت عرشها كامل بيها و الطريق مزال طويل بعد نهارين يبدي العذاب باش تكون في محلي قدام عيوني ما نعمل من عذابهة صنعة .... صوت الزغاريد بدا من تو حتي هو عرس محمد بكله حتي لو كان عرس مصلحة طول عمري بقدري وهيبتي واكيد عرسي بيش يكون سبعة أيام و سبعة ليالي
أماا داخلة تزغرت خارجة تزغرت مدريتها شامتة ولا فرحانة بكنتها ولله ها النسوة أمرهم غريب شكون يفهمهم ... تذبحت الذبايح و طاب العشاء وتفرق الناس الكل فرحانة وجاية تهني قريب نصدق إني عريس
اااااه يابنت ماجر موريني في حالك تو اكيد عجبتك هديتي وكسرتلك شوكتك
**************
يڨولو الوقت صعيب ما يصاحب حتي واحد هكااا أما كانت تڨلي لكن ما حسبت كلامها ولا حطيته ڨبال عيوني اليوم ماني عارفة الوقت غدرني ولا الدنيا لعبت بيا وخلتني نطيح ....
ليامات تجري ڨول عاملين عليا بلعاني اليوم حنتي تلمو بيا خالاتي وبناتهم جيرانا والناس الكل كل واحد شحامل في ڨلبه اشامتين فيا و لي غايضخم حالي أولهم اما إلي من يوم ما صارت المصببة ماسمعت صوتها غضبانة عليااا
أبي رغم لحكاه الكل ما خلاني ناقصة شي في نهارين كان كل شي لازم العرس حاضر هو عطي كلمته ونا ما عليا كان نفذ كلمته سيف علي راس عرشه خلي علي بنته .
الغناي العربي و البخور يعجعج بدات الحناية تحنيلي الناس دايرة بياا وناا حاسة روحي في بير غارق ڨلبي مشوي علي فراق أهلي ونااا ملي حليت عيوني ما نفارڨهم كان وقت قرايتي ...
