الحلقة 22
_ الله الله ياا أهل العياري محلڨين و مڨعدين بنت ماجر في وسطكم مكان لعدو في مربط الزوايل موش مع لعباد ...
_ وڨفت من مكاني و جيت نجاوبها لكن خالتي منية سبڨتني أسمعي ها وردة الكلام لڨلته مانه في مكانه و لتحكي عليها كنتي مرت الغالي و وحدة من بناتي و إنتي إلزمي حدودك ...
_ وردة : شنهي ها مرت عمي في ليلة ونهار ربيتي عليها الكبدة ولله ما تكون كان ساحرتكم قدمت ناحيتي و ڨتلي : سلالة كلاب و ڨتالين رواح ...
علي كلمتها نهز إيدي علي ما تعلي و نعطيها كف طرشڨت الدم من فمهاا
_ أنتم سلالة لكلاب يالي متحشميش ناا و أهلي سيادك نشرفوك و نشرفو عرشك بكلله إنتم لماتعرفو الهمة متربين علي الغدرة جايبيبني باخدع و الزور وزيد تحلي في فمك متحشميش ولله ما نشرب من دمك ..
ڨدمت باش نرفسها تحت رجلي لكن البنات مخلونيش و هربوها من ڨدامي شوي و جاا محمد يجري باين الغش علي ملامحه جبدني من إيدي باش يڨسمها عمري ماشفت ملامحه كيف هكة يشرع يديه و يضربني بكف لين طحت علي مكاني ... ماني مصدقة كان لازم يوڨف معاي ماهو ضدي دموعي نزلو بلوقت ...
جبدني من مكاني و جرني وراه و العيون الكل شامتة فياا وصلنا لدار حل الباب و رماني علي طول إيده ...
محمد : ڨوليلي شنبهت عليك ڨتلك إلزمي حدودك و طولة لسانك تنحيها لاا و زيد تسبي في اهلي و ناسي تسبي في عرشي متحشميش ...
_درة : لكن هي لبدت سمعتني لكلام وحدة متحشمش ..
بخطوتين كان ڨدامي مسكني من وجهي فكي حسيته باش يخرج من مكانه : كلمة وحدة في حڨها ولله تشهدي علي روحك نڨتلك و نشرب من دمك ...
جبدني من إيدي و هبطنا في الدروج خل الباب و رماني جيت علي وجهي ..
_محمد هذي من اليوم بيتك ما تخرجي منها كان بأمري حتي الهواء تجبديه بشورتي ...
*****************
سكر الباب و خرج دموعي ماكفو غاضتني روحي بعد عزي و دلالي تذليت الله يذله نوكل عليه ربي ...
هزيت عيوني للبيت ظلمة موحشة كيف قلبي فيها فراش علي الأرض هزيت روحي بدني تاعب و رميت روحي فوڨه الدمع ما فارڨ جفوني تذليتي بعد عزك هاا درة تذليت و ما ذنبي ذنبي إنو ولدت محكومة بأغلال العادات و الأصول ....
*********************
