الحلقة 23
فات الليل ما ندري كيف النوم زار عيوني فڨت علي صوت الباب كيف تحل بقوة نلقاه مصيبت عمري عيونه ما تبشر بالخير ..
محمد : بنت ماجر اليوم عندي ليك هدية نحبك توريني عرض ذراعك ولا اهلك علموك كان ركوب الخيل ..
رمالي جبة لونها راح ڨلي إلبسيها و ألحڨيني و كان حبك الله كسريلي كلمتي و حق الرب لخلڨني ما ندمك علي النار لخلقتي فيه .... صكر الباب و خرج خلي كان صوته يدوي في وذاني اهه يا ربي العالي ڨلبي ما ڨايلي خير راني وحيدة ما عندي خلافك أرحمني برحمتك ..
و ڨفت من مضربي بدلت دبشي و نحيت ساغتي مع كل قطعة نحيها الروح تخرح معاها كملت و لحڨت عليه نلڨاه يرجي فياا في وسط الدار عطيني بضهره ما سمعت من فمه كان كلمت تبعني .....
هو يمشي و ناا وراه وصلناا وين برشة نساوين هازين عدة الحصاد وڨفنا حذاهم تلفتلي و ڨلي : من اليوم هاذي خدمتك كيفك كيف النسوة الكل مكانك الأرض و خدمتك حصادها ...
ڨال هاك الكلمات ركب حصانه في رمشت العين غاب علي الأنظار ...
هزيت عيوني لنسوة لمعايا الكلهم يتشحرولي و باين ماهم حامليني هماا يمشو و ناا وراهم لين وصلنا للأرض كل وحدة شدة مكانها و بدت تخدم في خدمتها ما عرفت كيف نخدم ولا من وين نبداا خزرتلي وحدة من النسوة لمعاياا و قالت : يا جماعة بنت ماجر ظهر ذراعها ابطر أهلك ما علموك كان شدان لقلم جيت شنجاوبها ڨطعنا صوت وحدة من العملات مراا كبيرة و باين فيها هي المتكلفة عليهم : خدمة ليد مكسوبة ما نرضعوها في الحليب و انت هاا سالمة نسيتي روحك كيف بديتي الخدمة حزمة النعمة توصليها فارغة .... من اللحضة هاذي حد ما تكلمها و ما تجي علي حالها راهي أمانة ...
ندهتلي بيدها باش نمشي حذاها و ڨتلي :
_إيجي حذايا و ناا نعلم بنتي الخدمة ماهي صنيعة ربي ...
بدات توري فياا كيف نخدم شوي شوي لين تعلمت شوياا ... تفكرت اماا كانت تڨلي بنيتي في هدنياا ما تلڨي غير صنعة يدياتك اهه يا نظمتي ما سمعت كلامها كان في بالي عز باباي باش نعيش فية عمري كله لكن الدنيا غدارة ما ترحم ....
******************
فقت اليوم و ناا مصمم عمدي هدف لازم نحڨه اليوم بنت ماجر باش تبدي في تخليص لحڨوق هي لوصلت روحهاا ...
المرحلة الأولي لازم نكسرلها خشمها و نسيها في عزها و دلالها ولله لخلڨني ما نخليها تضوق المر اهلها هما السبب في جروح ڨديمة لحد اليوم تنزف جا الوقت و لازمها ترتاح ....
***************
