_ شنهي هلكلام لجايبه يا راجل تحكي في عرض الرجال بنتي أشرف من الشرف بذاته .
شنهي مانك مصدق كلامي ها سي علي أما سي الهادي بعثلك معاي السلام و بعثلك هلأمانة و ڨلك غدوة نتڨابلو و نحلو هلفضيحة حسب ما تڨول لأعراف
ڨدم ناحيتي و مدلي محرمة شعرها ماتخرج إلا وهي علي راسها عزيزة عليها هاذي هديتي أناا ليهاا هزيتها و ماني مصدق عيوني لكن عموماتها و خواتها صدقو هلكلام و ماعاد بليد حيلة ...
***********
حليت عيوني علي صوته و هو كيف الغراب علي راسي ڨومي نوصلك لأهلك راهم يرجو فيك علي نار ڨلبي رفرف في ضلوعي بافرحة باش نرجع لحضن أماا ماهمني لكن نسيت أنو الوقت مايرحم ...
ركبت بجنبه في الكرهبة و نحسب في الدقايق يهمني نوصل لدارنا كهو و هو بجنبي ماتكلم كلمة ملامح وجهو هادية ما توحي شي هذا لزاد هبلني خايفة يكون هدوء ما قبل العاصفة ...
وصلنا لأرضنا هبطني قريب الدار مزالولي خطوات صغار و نكون في محلي هبطت من جنبه وقتله : نشاء الله هاذي أخر مرة نشوف وجهك فيها اما حسابك تو يجيك و بلوافي زادا ....
_ لااا عاد شنهي هلكلام لتحكي فيه نحبك تعرف أنو من اليوم باش تشوفي برشاا و لازمك تتعود علي وجودي حياتك بين إيدياا شوية وقت يا بنت علي و علي
فكرة حضرلي روحك نشاله تعجبك هديتي ..
_طار بلكرهبة خلي كان لعجاج وراه لكن شنهي هلكلام ليحكي فيه اكن ماهمني فيه مقابل عيوني غير وجه بابا نطمنه عليااا مانطيڨ فراڨه ...
مسافة صغيرة و دخلت للدار نلڨي العرش الكل ملموم في الحوش الكل وڨفو من مضاربهم علي دخلتي عليهم ڨدملي ابي وعيونه تڨدح شر ماهو كيف العادة أكيد من خوفو عليا جيت شنحمله يهز إيده و يعطيني كف جيت ملوحة في الأرض من قوته حسيت وجيعته في ڨلبي أبي عمره ما هز إيده علياا ولا ضربني مهما طكانت عملتي كبيرة لكن هلمرة ماعندي ذنب ..
_لوجيع لولة مابرت و زاد الجرح كلامه : _ يا خسارت تربيتي فيك و خسارت التعب لتعبتو عليك ڨلت بنتي راجل ماتوطيلي راسي كنت غالط حطيتي شرفنا في التراب هاذا كفوياا معاك لكن أنااا هو الغالط خليتك حرة أكثر من الازم مغلطوش كيف ڨالو لنثة لعنة ما تجيب كان لمضرة لكن وڨفت في وجه الناس لكل ڨلتلهم بنتي ماطغلت ضنيتك نعمة لكن ماكني كان نقمة علي هلعرش لعنت النار لبشروني بيك و بولادتك . أخر الجمعة هاذي عرسك و رجلك معادش تعفس هتراب باش ندفنك و نعملك ڨبر نااا علي الماجري بنتي من اليوم ماتت ...
