الحلقة 18
ڨال هلكلمة وبعد من ڨدامي حسيت روحي رجعت نتنفس من أول و جديد بعد عليا خطرات و بدي ينحي في جبته ويحل في قفلي سوريته بقي كان في خلعة دورت عيوني وڨتله ياا راجا ياخي ماتحشم أخرج لبرة وبدل دبشك إحترم شكون حذاك ..
_علاه باش نحشم مانيش عريان وزيد فماش حد غريب كان مريتي موش هكاا
_هااااشومك هذا ناوي يدوخني ربي يعدي هليلة علي خير رجع ڨدم ناحيتي و نا في مضربي ما تحركت طرافي جامدة ما عاد حامليني .
_شنهي مانك ناوية تبعدي عجبك ڨربي تو تحبيني نلبس حوايجي و إنت مسكرة علياا باب لخزانة ...
تحركت كيف لضاربه الضوء غير نبعد من ڨدامه ... لكن ما جبد حوايجه جبد خلعة من حوايجي و حطها علي الفرش و ڨلي و رجع صوته يرعب كيف اول مرة ريته فيهاا اسمعيني هاا بنت ماجر عندي معاك مفاهمة نااا ماني راحل با ش نغصب. مرااا علي حاجة ماهي باغيتها ..
_ههههه وللله ضحكتني و ڨريب نصدڨ كلامك ملا هذا أش تسميه غاصبني نعرس بيك ربي سبحانه ڨال" لا تغصبهن "...
خزرلي و عيونه تڨدح شر ... أسمعيني ما كملت كلامي هاذي اخر مرة تقص عليااا علااه ماشي في بالك نااا ڨاتل روحي علي جالك و باغي نعرس بيك راك غالطة ناا حتي وجهك ما نبغي نشوفه أما خذيتك مذلة ليك و أهلك
من اليوم باش تكون الكلمة كلمتي و الشورة شورتي و إنتي عليك تنفذي كهو الحرية لكانت عند بيك من اليوم تنسيهااا كلامي هو ليمشي نڨلك تموتي معناها تموتي في المقابل ما نڨربك وما نجي علي حالك و ما نطالبك بحقي منك مدامني راجلك .....
_حصرني بكلامه ماعندي حل غير نوافق علي كل شروطه مهم عندي ما يڨربني و هم في كل الحالات مايڨدر يتحكم فياا ومع ليام تو يفهم ..
_موافقة علي كل شروطك المهم مانحبك تڨرب ناحيتي
_حاجة اخري باغيك تحفضيها قدام اما و بي و تلعرش الكل نحنا مراا و راجلهاااا
_قتلك موافڨة علي كل شروطك .... قلي بدلي حوايجك الخزانة علي ذمتك و هز هاك الخلعة و جرح إيده ومسح الدم فبهاا تو فهمت اش حاشته بيهااا وجهي حمار من الحشمة وعطيته بضهري و هو هزهاا و خرج و علي خرجته تعالت الزغاريد والكرطوش في الهواء .
