الحلقة 38
اليوم قررت نكمل الكرونيك علي خاتر برشة عبااد محلاهم حبوهاا كيف ما حبيتها أنا و أكثر ،، حبيت ناخذ بخاتركم و أنشاء الله تعجبكم متبخلوش علياا بأرائكم _ يقولون أن الخذلان أقصي الشعور ألم بعد الحب ، فإن كان العشق يذيب اركان الروح فالخذلان يحرقهاا و يفتت أشلائها خاصة و إن كان من أحبة أحسنا بهم الضن 💔💔 أناا هكاا نحس توااا ڨلبي وجعني لو تنشڨ الأرض ڨدامي ورب العزة ماا نحط فيها روحي و ما نخمم لحضة هاذي أخر حاجة توقعتهاا وجيعتي و ڨهرتي أهلي هماااا السبب فيهااا هزيت أرام في حملتي و مشيت نزرب في خطواتي ماا تلفت ورايااا نسمع في صوت بكاها أما يڨولو الڨلب كيف يتوجع يڨصي و نااا قلبي رميته قدامهاا و مشيت ميمتي سامحيني ها المرة ماني ماسحتلك دموعك ...
ماني عارفة كيف رجلي حملتني و روحت للبيت عڨلي ماهو فوڨي كلامها مزال يرن في راسي خزرت لأرام لراڨدة في حملتي و تذكرت كلامه يومهااا "خوك هو ليتمهااا " يومهاا ما صدڨت كلامه لكن تو علاه منصدڨاش شنهي يضمنلي أنو لڨاله مانو صحيح و أنو أحمد هو لڨتل أمهااا .
كنت غافلة علي دخلته عليا كان وجهو منور معرضتله كيف العادة 😔 أكيد يعرف الحكاية مايشفي ناري كان ما نسأله علاه خباا علياا شنهي ذنبي الدنيا الكل دارت بياا ..