الحلقة 19
تو معاد يهمني في شي و خرجنا لثنين رابحين جبدت جبة خفيفة لبستها حتي نااا البسة ذڨيلة هدتني و تكيت علي الفرش مرتاحة ماني شنشوف منضره لكن ليحسب وحدو يفضلو خذاتني عيني شوية لكن حسيت حاجة راڨدة جنبي درت نلڨاه مصيبة عمري ما ندري كيف دزيته جبته متحضن القاعة
_انت شتعمل جنبي شكون عطاك الحق ترڨد معاياا ويني كلمتك ليااا أمشي لصالة وارڨد هناا ما عندك مكان معايااا
_أسمعيني ها بنت الناس كلمتي عطيتها و معاد نرجع فيها عليك أمان الله اما انسي النوم في الصالة شاري بيت نوم ترڨد عرش و ما نرڨد فيهاا انسي هلحكاية أمشي أنت هاوينو الطريڨ ڨدامك ..
باهي ياا سيدي تو نمشي ناا نرقد فيها اما باغية منك حاجة حاسة ريڨي ناشف جيبلي شريبة مااا نبل بيها ريڨي حتي العشاء مكليتش
شكون ضربك علي إيدك الماكلة كانت ڨدامك إنتي لمابغيتي و ركبتي راسك و الماء أمشي أشربي وحدك ....
فيااا رجلين و ألله لا يحڨني ليك لكن ما نعرف داركم إحسبو دين و يرجعلك .
_باهي يا سيدي ألله لا يعطينا ما يغلبنا
_و ڨف من مضربه و خرج يجيبلي في الماء هو خرج وناا جريت ڨفلت الباب وراه ناوي يبات معاياا الراجل تبات مع لفعة نشاء الله .... رجعت لمكاني و غميت علي راسي و رڨدت ...
_مديدة و نسمع فيه يحاول يدخل ههههه ليحسب وحده يفضله السيد ناوي يرڨد انا وياه فرد بيت و فرد فرش زادة
_ شنهي هاا بنت علي الحكاية بالغدرة نااا مشيت وإنتي لعبتي من بعدي
_كانك تحكي علي الغدرة تعلمتها منك هاا ولد الهادي و زيد ڨتلك ناا وياك نباتوش تحت سقف واحد إمشي لحضن امك بات فيه كيف مااا حرمتني ناااا من حضن اماااا
_شنهي نبات في حضن اماا وناا عندي حضن مريتي اش تڨول علياا الناس
أماا يعمل الله دليل اليلة ناخذ بهواك ونسايرك اماا ليان بيناتنا ....
_مشيت تمديت في الصالة ماني عارف علاه خذيت بهواها علاه موڨفتهاش عند حدها وقت نكون معاها ننسي السبب لجبتها علي جاله ساعات نندم علي عملتي فيها اش دخلنا أنا وهي في ثار عنده 40 سنة تخلق قبلناا هي صغيرة مرات شي من عمرها عندها الحق خطفتها من حضن امهاا وسعات نڨول لعملته زينت العقل الثار عمره مايموت اهلي ناا وعدته نخلصلهم حڨوڨهم عرش الماجري ضلموناا اهلي تعذبو في جرتهم سنين و جا الوقت و لازم يخلصو وبنتهم هي الخلاص ...
