الحلقة 31
هذه الحياة تخبئ لنا في طياتها الكثير من المفاجأت منها من يسعد الڨلب و يخرجه من السبات و منها من يجعله في حضاض الأموات ....
و حبك ياا سيدي مثل الموت و الولادة لا يعاد مرتين ...
★★★*★★★★★★★*
درة : كلماتههبطو علي راسي كيف الصاعقة ماني مستوعبة كلامه شكون يربي شكون و ها الطفلة شنهي حكايتها شكون امهااا كيف هو بوهاا ناا شنعمل عنده .. ألف سؤال و سؤال في راسي ماني لاڨيتله جواب و ما يطفي ناري كان هواا
لكن الكلام هرب من فمي ما ني ڨادرة نخرج حرف حاسة روحي في دوامة ما منهاا مهرب ....
*****
خرجت وردة و الشر يطاير من عيونهااا صحيح هياا ربت ارام لكن ماهي امهاا كلام محمد صحيح هواا بوهاا و اولا بيهاا حتي ڨدام الحاكم يجيب الحڨ عليهاا ..
كانت تحكي بينها و بين روحهاا و تتوعد ووعودهاا ما تكون باطلة
_وردة : إيمين البكوش في صدره ولله و الرب لخلڨني ماا ندمكم علي كل يوم من أيام حياتي لعديتها نربي في بنتكم ياا أهل العياري ... و انت يااا محمد ياا ولد عمي ما نحرڨلك ڨلبك كيف حرڨتلي ڨلبي أي نعم حرڨتلي ڨلبي و نااا من يوم لحليت عيوني عمرت هالڨلب بحبك عشڨتك اكثر من روحي أي نعم عشڨت راجل أختي لكن ماني غالطة ناا لحبيتك ڨبلهاا لكن إنت ماا حسبتني و خيرتهاا عليااا شويتني يوم لخرجتها عروسة و خليتني فرحت يوم موتهاا صحيح هياا اختي و لڨشة من روحي لكن ڨلت اخيرا رجعلي و ما يلڨي خير مني ام لبنته تو اربعة سنين و ناا نرجااا فيك و صابرة لكن زيد شويتني يوم لجبت بنت ماجر عروسة ...
و اليوم شويتني كيف فكيتلي بنت الغالية ... أرام نحبهاا خاتر من ريحتك كيف تكون هياا حذاياا نحسك انت معاياا هياا لمصبرتني علي فراڨك لكن أنت اليوت شويتني ولله لعزيز. ما نرجعلك الصاع صاعين ولا نتسماش وردة ...
***********
_ درة : خرجت هاك المصفارة تعفس في طاجين تڨعره .. ساد الهدوء علي لمكان حتي الصغيرة ما ڨالت حرف هزتهاا خالتي منية في حملتهاا كسر الهدوء لكناا فيه صوته
_محمد : اماا برحمة الغالية هزي ارام معاك و حطيها في عيونك باغي نحكي مع مرتي وحدناا
ڨدم ناحيتها و باسها من جبينهاا وباس بنته و هي تتبسمله بمل براءة
منية : اااه يا ولد كرشي كيف باغيني ناخذ في خاطري منك عندك حڨ مرتك عنها حڨ عليك و لازمها تفهم هياا تو وحدة من العيلة و يزي ما خبيناا عليهاا ...
قالت كلماتها و خرجت بڨيت راسي راسه الكلام جمد بيناتنا
