الحلقة 36
جريت بكل ما عطاني رب العزة من ڨوة ما باغية كان نضمها لصدري و نملي عيوني بشوفتها لكن رجلياا خانوني و الأرض تجبظني ليها ماهي باغيتني نڨابل الغالية لكن ما سلمت عاود وڨفت من مكاني و جريت ناحيتها .. وصلت حد السياج و هو لوڨف بيني و بينها و أماا الحنانة حالها ماهو خير من حالي دمعاها جاري ..
_درة : مسكت يديها بين يديا نبوس فيها ماني مصدڨة وجودها ڨدامي حطيت إيدي علي وجهاا نلمس فيه باغية نصدڨ أنو أماااا ڨاعدة ڨبالي
اااااااه يااا ميمتي ااااه يا عزيزة الروح الڨلب طاب من بعادك اااه أمة الحنانة راني توحشت خيالك معادڨادرة نتنفس بعدك .
_ جميلة : بنيتي نور عيوني غيابك شواني ياا حنانة الدنيا بعدك ما عندها طعم وراس الغالية الحزن سكن حوشنا بعدك ... ظلمناك ياا كبدي ..
درة : امااا ورب العزة ماا خنت ثيڨة بابا فياا والله شرفه نضيف و طاهر لحد اليوم اااه ياا ميمتي علاه ظلمتوني بعثتوني للموت عروسة امااا كان نحكيلك الهم لهزاته علي كتافي شنهي ذنبي نخلص ثار لا عملاته إيدي و لا رجلي ڨوليلي أماا شنهي ذنبي علاه مرحمتوش ضعفي ... تذليت بعد عزي هاا اماااا اهلي ما رحمنيش شنهي نرجا من أهل العياري شيرحموني و ناا غريبة عليهم ما يربطني بيهم كان دين الله ...
نااا نحكي و امااا دموعها ماا كفت كلامي زاد علي الجرح ملح
_ جميلة : غالط كلامك غالط اا عزيزة ڨلبييزي ما خبيناا عليك القلب فض ما عاد يحمل اهل العياري مانك غريبة عليهم انت بنتهم كيف ما بنتناا سامحي أمك اااعزيزة ڨلبي أنت اليوم تخلصي في غلطتها بنيتي نهبط عند رجليك مهم سامحيني ...
_درة : اماا الحنانة ما تڨولي هلكلام و لاش تطلبي في السماح نااا لنطلب السماح منك أمااا فهميني كلامك عيش ميمتي ما تخلي ڨلبي حاير
_جميلة : بنيتي الغالية روح امك أنت مانك بين ناس غرابة عليك أنت بين أهلك بين خوالك ياا عزيزة الروح أاااي الهادي خالك و خويااا من لحمي و دمي و أرض العياري هي ارضي و ترابي وين كبرت و حليت عيوني لكن بنيتي الحب ألله يهده و يهد العدات معاه
_ درة حسيت الأرض دارت تحت رجلياا كلام اماا يتعاود في وذاني اهل العياري خوالك توو فهمت كنت كل ما نسهل اماا علي اهلها تغير الموضوع
_ شنهي لكلام لتحكي فيه جيتك بالله احكيلي و فهميني ما تخليني ماني دارية نوريني ميمتي احكيلي الحكاية الكل و ما تنڨصي حرف .
