الحلقة 39
محمد :
دخلت لدار و ياا محلا طلتها عيوني جات عليهاا أول ما دخلت درة ڨلبي مرڨدة ارام في شونهاا أول مرة تمنيت تكون بنتها جال في خاطري فكرة علاه ميكونش عنا صغير يمحي الثأر لبينا ڨطعة مني و منهاا ... فيڨني من حلمتي خزرتها الضائعة ماهي كيف العادة تعرضني بوجها المنور في الباب دخلت و هياا باقي ما حست بدخولي حتي لين وصلت ڨبالها .. و باڨي ما حست بياا و بجودي ڨعدت ڨدامها هزيتلها راسها بيدي عيونهاا مزغلين بدموع و علي لمستي ليها نزلو يتسابڨو علي خدودها .
محمد : أحكيلي علاه الدموع هاذي الكل شنهي صاار شكون عملك حاجة متكونش أك لماتحياش وردة عملتلك حاجة ... باڨي ساكتة ما ڨالت حرف و بردت النار لشاعلة فيااا .
درة : هزيت عيوني فيه و حكيتله كل لصار و فرغت ڨلبي وقلت ليصير يصير حتي لوكان يسيل دمي ڨباله
أما بلعكس كانت ردت فعله مخافلة لتوڨعته منه ضمني لصدره لين حسيت ضلوعي تكمشو و ڨريب يخرجو علي ضهري من ڨوته ..
محمد : تعرف علاه ما حاسبتك تواا خاطر لا أنت و لا ناا عنااا دخل في الموضوع حكاية الثأر هذي ماعنا دخل فيهاا الكبار عملوها و احنا خلصنا أنت مضلومة و ناا مضلوم كيفك و أكثر لكن ما باليد حيلة لفات معاد يرجع كيف الميت بضبط
نبغي نڨلك حاجة الليلة حضري روحك و حضري أرام معاك غدوة بقدرة الله ڨاصدين ربي للعاصمة..
درة : مزلت تحت تأثير الصدمة اولا من ردة فعله و كلامه و ختمهاا بمشياناا للعاصمة علاه هالمشية و شنهي وراها ...
