الحلقة 20
نهار جديد و شمس جديدة كل يوم جديد هو رحمة من عند الخالق لكن كل إنسان كيفاه يراها لبنسباو نعمة ولعندو كل يوم جديد مالو إلا نقمة
__________________________________________________________________
حليت عيوني نتململ في فرشي كنت نحلم في حلمة محلاها كنت راڨدة في حضن أمااا شعري مفروت في حجرها وهي تلعبلي بيه نشم في ريحتها الطيبة لكن الأحلام مالها إلا وهم و مستحيل تصير حقيقة ...
عديت عيوني علي البيت ياسر مزيانه لكن موحشة من غير روح حالها كيف حالي من برة عروسة لكن الڨلب ما يدري بحاله كان لخالقه ... وڨفت من مضربي بدلت دبشي تزينت و تعطرت كيف ما يلزم مستحيل أهل هدار يشوفي ضعفي و الشكوة لغير الله مذلة
حليت باب البيت مڨابلتني جهامته راڨد ڨدمت ڨباله سبحان الله في خلقه مزينه ضحكت بيني وبين روحي الرين هذا الكل لياا وحدي من بعد فقت علي روحي شنهي هلكلام لنحكي فيه رجعت نتأمل فيه راڨد كيف الملايكة شعراته مفرفشين لو يبقي طول عمره راڨد وقت ليفيق يفيق شيطان لي فيه ...
*************"""
كنت راڨد فقت علي حركتها كيف خرجت من البيت ضربتني ريحتها في خشمي كيف ريحت المسك بقات واڨفة ڨبالي تتأمل فياا ماني م عارف أش يدور في بالهااا شوي و سمعت صوت ضربات علي الباب وڨفت فجأة ملازم حد من العيلة يعرف سر العلاقة بيني وبينها أحنا ڨدام الناس الكل مرأة و رجلهاا ....
******************
درة : بسم الله شبيك ياا هم كيف الجن تعرفش تڨوم بشوي كيف الجن اللطف
_محمد: فيبليش بڨلبك معلڨ في شعرة و أسمعني نبه عليك طولة لسانك هاذي تنقص منها أما اصبر علياا شوي تو نوريك وزيد هاك تسمع في حس الباب منحب حتي غلطة .
_________
مشي جيهتالباب حله شوي و دخلت معاه مراا عمرها من عمر امااا معاها زوز بنات كل وحدة هازة سينية في إيدها ريته ڨدم ناحيتهاا و باسها من جبينها و ڨلها رضاك أمااا
تو تاكدت هاذي حماتي المصون تو عرفت محمد ورث هزين الكل من وين رغب كبر عمرهاا و بصمت الزمان لطبعها عليها زينها مزال طاغي ڨدمت ناحيتي بخطوات راكزين دالين علي قوة هالإنسانة لڨدامي تو حطت إيدها علي خدي و تبسمتلي بسمتها ريحتني هاذي اول إنسان نرتاحو في هلمكان الموحش ...
