نفرت عروڨي ملغش هما فارحين ونحنا ڨلوبنا في الغم غايصة .
الحلقة 7
لكن خطرت علي بالي فكرة ما تخطر علي عڨل الشيطان ناديت بصوت علي أماا و أبي و ڨلتلهم حضرو رواحكم علي ڨريب عنا عرس
رجعت للبيت ونا مخي يخدم فلي جاي ولله ياا بنت ماجر يا نكسرلك شوكتك ياا نسماش محمد .
**********
اليوم النهار لخراني ملعرس و تجي لعروسة تنور دار راجلها و تتعاون هي وياه في الحلوة و المرة .
الناس الكل فرحانة تحضر لجية لعروسة إستقبال يناسب مڨامها و مڨامنا نحن أهل ماجر ونحن أهل الكرم و لمروة .
ضرب الليل و محفل العرس ڨرب يوصل تزينت و تعطرت و تكحلت و سيبت شعيراتي لكن ڨلبي مڨبوض و ما ڨايلي خير وناا ڨلبي خبيري نعلت الشيطان و خرجت محفل العرس و صل و تعالي الكرطوش في الهواء و ما بڨي مضرب فارغ في البطحة ناس الكل تشطح حتي نحن مديدة ما زار الفرح حوشنا ...
تم العرس و ڨلت الحركة في الحوش تخنڨت عندي مديدة ما جلت في الأرض و ما زرت فرستي شديت الطريڨ لمربط الزوايل نطمان علي عشيرت عمري توحشت طلتها .
وين ڨربت نوصل لمڨصدي مڨابلتني جهامة مرمية في الأرض حسيت ڨلبي تخض في صدري ما ندري شبيه لااااا الخوف موش من طبعي ڨربت ڨبال الجهامة
نستكشف فيها جهامة راجل باين فيه مضروب دمو سايل لكنه عايش نفسه طالع هابط .
رحت قباله تنشوف وجهه و يا ريتني ما شفته ...😰😰😰
هذا هاو لغراب لتعاركت معاه من مديدة ولد العياري بيدو مرمي ڨدامي و دمو سايل ..
