تراجعت و جيت ماشية لحظة من زمان الغرور سيطر علياا نااا صحيح بخشمي لكن أبي عمره ما علمني نعتي ظهري لحد محتاج حتي لو كان عدويا ربي صبحانه رحيم و زرع الرحمة في ڨلوب عباده ...
رجعت ليه و حاولت أنحركه من مضربه لو كان يشبحه واحد ملعرش ما يبعثه لماليه مفتفت أصل النفس تڨطع عليا أصل لا يزي من ريحته لدخلت لخناشني و زيد من جهامته ڨول عامل بلعاني لا حب يتحرك عملت صوت للحصاني جاني و هزيته عليه باش نبعده مدوار ڨلت نهزه لأرضهم و نرميه لكن الڨلب ما طوعني الراجل دمه يشرتل و حالته ما تبشر بخير ..
عناا كوخ في الجبل عاملينه كيف نخرجو لصيد هزيته ليه ...
مديته فوڨ الفرش و ڨابلني جرحه باين فيه مطعون بسكينة ما ڨدامي كان نشڨ سوريته باش نضمدله جرحوه الفكرة برك طلعتلي السخانة صحيح تربيت بين الرجال لكن عمري ما تكشفت علي بدن راجل لكن ما عندي حيلة خلاف هلحل ..
عملة علي الله و بديت خدمتي شڨيت حوايجه و بديت نضفله في جرحه ماهو خطير لكن باين نزف ياسر ما كملت كان الروح طلعت أصل .. لازم نروح ڨبل ما يحسو غيابي خليته علي حاله و ركبت حصاني و شديت طريڨ العرش . وناا في داخلي ناوية ما نرجعله مرة أخري أش يهمني فيه يموت ولا يڨعد ...
دخلت للحوش و نا دعي لربي ما يشبحني حد لكن ياا خيبت المسعي .... شدتني أماا بلكمشة ..
_ ياا بنت ولله باش تهبليني في جرتك تحبي بيك يطلڨني علي جالك وين غبتي كان فطنو بغيابك في هليل أش تڨول علينا الناس تكلمي ..
_ جريت و حملتها و عبيت رواريا بريحتها ، أمااا الغالية بنتك ربايت رجال و ما تخافي عليها و حد ما يوصل يڨول فيااا كلمة أدخلي رتحي فخار ربي راكي تاعبة و هدك العرس و نوعدك نهار نهزك معايا وين نمشي و أشبحي بعينيك بنتك شتعمل
هديتها شوي بكلامي و دخلت لداري شديت مضربي حسيت حيلي مهدود أصل هدني هاك مكبوب السعد . لكن بالي باڨي عنده حاله صعيب مهما حاولت ننساه الڨلب ما يريد يڨلي خلي لرحمة بلاصة ...
