{ذكرى تشرين}

(بخصوص مستقبل الرواية..)

الكلام دا طالع من جوا قلبي ومفكرتش وانا بكتبه..هل عندي حق باني احس بكدا او لا..؟!

**ملاحظة:هو دا غالبا سبب تأخر البارتات..!

********************
راودني اكتر من سؤال حول الكتابة..حول نجاح الكتب..حول القراء وطريقة الوصول لعقولهم..حول الكيميا اللي بتتولد بين الكاتب وكتابه والقارئ وخياله الواسع وذوقه فالكتب..

انا عارفة ان النجاح مش سهل.لكن بالنسبة للبعض..كان سهل اوي..
مش عارفة الغلط مني ولا من الناس اللي بتقرا ولا من اني مبحبش ازعج الناس باعلاني للرواية بتاعتي..اللي انا واثقة جدا ان مفيش حد كتب عن قصة زي قصتها بالطريقة دي قبل كدا..
يمكن اسلوبي مبيشدش.ويمكن ربنا مأجل نجاحي لقدام..يمكن مستحقش النجاح..وهنا يكمن السؤال..

"ايه اللي يخلي الشهرة في الكتابة بعيدة عني؟"

بسأل نفسي بعد كل عدد مشاهدات قليل..وبعد كل الساعات اللي تعبت فيها ياما بكتابة روايتي..القصة صعبة الوصف نوعا ما صدقوني..دا غير الاحباط اللي بيشلني دايما بعد كل مرة بكتب فيها بارت ومبيجيش عليه غير التفاعل من الناس اللي انا حافظاهم واللي لو فضلت اقولهم شكرا من هنا لبكرا مش هوفي حقهم فالشكر على التشجيع اللي بحس بيه بسسبهم..بحس اني استحق..بحس اني هنجح..بحس اني صح..وبحس ان صبري دا ربنا عز وجل هيعوضني بعده بحاجات مكنتش اتوقعها..

يمكن متكنش روايتي كفاية عشان تتشهر..مع اني والله بتعب فيها..

وعارفة ان البارت دا مش هيوصل لحد ابدا..يمكن بالصدفة..يمكن..ليه لا.؟!

بس هيفضل السؤال دا يرن فوداني فكل مرة بفتح فيها رواية ما مشهورة وبحس وبدون فخر ان روايتي احسن منها ومش واخدة حقها..

دلوقتي جاوبوني بصدق..ايه الغلط اللي بعمله فالكتابة من غير ما اخد بالي وهو نفسه اللي مخليني بعيدة عن النجاح..؟

هل من جواب.......؟

****************
انتهى.
ندى..