{ذكرى تشرين}

{الفصل الثاني والعشرون-احتاجك..}

"كان نفسي اننا نكمل كان بإيدنا كان قرارنا..كان نفسي نكون اكبر مالكبر اللي دمرنا..كان نفسي ميكونش عادي اننا نبعد عن بعض عادي..وانا اللي قلت ان الدنيا فكت تكشيريتها..انا اللي قلت ان السعادة خدت تأشيرتها.."

قبل ساعتين_شركة الشافعي

يجلس ادم امام مكتبه بعد خروج حازم ليتسائل اسر عن سبب هذه الجلسة المهمة الان ليجيب ادم ببرود وهو ينظر له:
_احنا قاعدين لوحدنا دلوقتي عشان حاجتين..وحده مهمة والتانية مهمة جدا..

اومأ اسر قائلا:
_الاولى..

ادم بجمود:
_مراتك..

اسر باستغراب:
_مالها؟

_اسر انا عارف ان اللي هقوله هيكون صعب عليك بس اسمعني كويس وركز معايا..انا كنت عايز اقولك عن الموضوع دا من زمان بس كنت متردد وسافرت قبل ما اقولك..ودلوقتي لازم اقولك، نيفين يا اسر..حاولت تتقرب مني اكتر من مرة وحاولت تإذي اميرة وكندة وباقي البنات اكتر من مرة برضو وفي كل مرة كنت بقفشها قبل ما تعمل الي هي عايزة تعمله بوقت قصير..وفضلت ساكت عشان مش عايزك تإذيها او يعني كنت متوقع ردة فعلك دي طبعا..لكن اني اكتشف انها بتشتغل مع تيسير من وراك..مقدرتش اخبي اكتر من كده..انت لازم تحط ليها حد يا إما اشوف انا شغلي معاها..

اسر بتوعد:
_سيبها عليا..انا هعرفها مقامها..وساعتها لو تجرأت وعملت حاجه تانية هشوف انا وانت شغلنا معاها..دا يمكن صدقت ان انا متجوزها عشان سواد عينيها..والله لوريكي يا نفين.

ادم بهدوء:
_اهدا يا اسر وحده زيها متستحقش انك تعمل كدا عشانها..

اومأ اسر بغضب ثم قال:
_طب والموضوع التاني؟

نهض ادم من مكانه وذهب ليجلس امام تيسير ثم قال بغموض:
_جدنا حسن باشا

اسر بتوجس:
_ماله؟

ارجع ادم ظهره الى الوراء وقال:
_في خطه من تيسير لقتله..

جحظت عينا اسر بصدمة ثم قال بغضب وهو ينهض واقفا امام ادم:
_ال*** انا هوريه..وانت قاعد هنا عادي قوم يا ادم بلاش برودك دا..

ادم ببرود ولايزال جالسا بكل اريحيه:
_هقوم اعمل ايه يعني؟

اسر بغضب وتوتر:
_يعني هتسبهم يقتلوه وانت قاعد ولا كأن في حاجه بتحصل..

ادم ببرود:
_مين قلك اني هسيبهم يقتلوه..انا وهو اتفقنا على حاجه واهي بتتنفذ حاليا..

جلس اسر مجددا وقال بعدم فهم:
_مش فاهم..تقصد ايه يعني انتو اللي قولتوا لتيسير يقتله؟

ادم بغموض:
_تؤ..احنا اللي هنقتله..

اسر بصدمة:
_انت بتقول ايه؟..انت اتجننت؟!

ادم بضحكة باردة:
_يابني اتهد بقى بلاش عبط هقتله ليه انا..دي خطة انا وهو اتفقنا عليها..وتامر هو اللي هينفذها..