{ذكرى تشرين}

{الفصل السابع عشر-ملجئي انت..}

"بعد فترة من فراقنا راضي انا ومرتاح بحالي..مش بفكر ليه افترقنا او بسيب نفسي لخيالي.."

ًفيلا احمد الشافعي..التاسعة مساء..

في البيت كان ادم يجلس في غرفته يفكر بما قالته رنيم..وما اقترحته عليه كخطة لمصالحة ندى ولكنه خائف من ان تعلم رنيم بما يخفياه هو ويحيى عنها هي وندى فلربما تتركانهما بعد كل هذا ولربما لا..
لكن اتسائل هل من الممكن ان تسامحه ندى بتلك السهولة وتظهر له حبها فعلا؟

*****
عند رنيم ويحيى كانا يجلسان في غرفة المعيشة تنظر هي له بتوتر بينما ينظر هو لها بنظرات لم تستطع تفسيرها منتظرا منها ان تتكلم بعدما قالت له بانها تريد الحديث معه في امر مهم..

يحيى بعد انتظار طويل:
_ما تتكلمي بقى هو انتي جايباني اقعد ساكت كده

رنيم وهي تحاول التخفيف من توترها..:
_طيب..
يحيى انا كانت صاحبتي المغربية لو فاكرها كان اسمها سلوى في فرنسا بتتكلم معايا فموضوع مهم من شوية وقالتلي ان اخوها عايز يتقدملي وانا مش عارفة اقولها ايه؟...فقلت اسألك.

يحيى بتعجب:
_انتي بتهزري صح؟
ثم اكمل بصراخ..:ايه اللي انتي بتقولي دا انتي من كل عقلك بتقوليلي بكل برود ان في واحد اتقدملك؟
لا ومين دا سمير بتاع فرنسا الله الله..يا سلام وانتي بتسأليني ليه بقى متقوليلها وافقت ولا قوليلها انك انتي مت.....
ثم ساد صمت مطبق بعد سكوت يحيى لتنظر له هي بانتظار ان يكمل..فيتحاشى هو نظراتها ولكنها قالت باستغراب:
_مت.. ايه؟
متكمل سكتت ليه؟

نظر لها يحيى نظرات غريبة بعيناه المتقدة كالجمر ثم امسك هو بيدها وشدد عليها بقبضته الى ان آلمتها بشدة ثم قال:
_ مش عايز اسمع اسم او سيرة راجل على لسانك..ثم اكمل بصراخ فاهمةةة؟!

رنيم ببكاء:
_حاضر حاضر سيب ايدي بس ارجوك..وجعتني اوي

خرج ادم من غرفته على صوت صراخ يحيى ثم نزل الى الاسفل بسرعة ووقف امامه قائلا بغضب:
_ايه مالك انت اتجننت بتمسكها كدا ليه؟

نظر له يحيى بعيون مشتعلة من الغضب ثم افلت يديها وتوجه ليخرج الى خارج الفيلا وصفع الباب خلفه حتى ان صوته احدث صدى مدويا في ارجاء الفيلا..وما هي الا ثون حتى سمعوا صوت عجلات سيارته تحتك بالارض بقوة ثم انطلقت باتجاه مكان مألوف بالنسبة لنا..

اما في الداخل نظر ادم الى رنيم باسف ثم قال:
_معلش يا رنيم انتي عارفاه..
بيفضل طيب وبيضحك طول الوقت بس لما يتعصب بينزل على مفيش وبيتجنن..

رنيم بابتسامة متألمة:
_وهو في حد يعرفه قدي.؟

ادم بابتسامة:
_انتي قلتي اهو دنتي تعرفيه من 20 سنة بقى..
صح انا وهو متربيين سوا بس مش قريب مني زي ما هو قريب منك..ارجوكي يا رنيم يحيى دا تعب فحياته كتير اوي وانتي عارفة فسايريه شوية عشان هو تعبان اليومين دول..