COMPLETE (နွေရာသီရဲ့လက်ဖက်ရည် ) Mm Translation

အပိုင်း ( 31)

[ Unicode]

31. နွေရာသီရဲ့ လက်ဖက်ရည်

အခု ဆိုရင် ရှလျောင် တစ်ယောက်  စုန့်ချီယန် ကို မတွေ့ရတာ တစ်လလောက်တောင် ရှိနေပြီ ဖြစ်တယ်။ သူမဆီကို အသံသွင်း ထားတဲ့မေးလ် ပို့ပြီးကတည်းက သူ့အသံ ကိုမကြားရတာ  တစ်ပတ်နီးပါး ကြာခဲ့နေပြီ။ တစ်ပတ် ကျော်တဲ့ အခါရောက်တော့ သူက သူမဆီကို အသံဖိုင်နဲ့ မေးလ် တစ်ခု ပို့ပေး ခဲ့တယ်။

[ အိမ်မှာ တစ်ခုခု ဖြစ်နေလို့ ကိုယ် တရုတ် ကိုပြန်သွားလိုက်ရ တယ်။]

သူမက သူ့ဆီကို တစ်ခြား အကြောင်း အရာ တွေကို ပြောနေခဲ့ပေမယ့်လဲ သူ့ဆီကတော့ ပြန်စာ မရရှိခဲ့ဘူး။ အဲ့လိုနဲ့ပဲ ရှလျောင် တစ်ယောက် စိုးရိမ်စိတ်တွေ ဝင်လာခဲ့တယ်။ ဒါပေမယ့် သူမတွေးမိတာက သူမဟာ ဘာဖြစ်တာလဲ ဘာကြောင့်လဲ ဆိုတာဘမေးလို့ ရတဲ့ အနေထား မှာ မရှိဘူးလို့ပေါ့။ ဒါကြောင့်ပဲ သူမဟာ သူမရဲ့ စိုးရိမ်ပူပန်နေတဲ့ စိတ်ကို စိတ်ထဲမှာပဲ သိမ်းထားလိုက်တော့တယ်။

ရေဒီယို ဒရမ်မာ ဖြစ်တဲ့ 'Ting Yin Gu ' အတွက်တော့ ချောချောမွေ့မွေ့ပဲ ပြီးဆုံးသွား ခဲ့တယ်။ ရှလျောင်ဟာ သူမလည်းပဲ အဓိက အမျိုးသမီး နေရာကို ရထားပေမယ့် ဘေယန်ရဲ့ အရည်အသွေးပြည့် ဝမှုတွေကို အားပေး ထောက်ခံ ခဲ့တယ်။

သူမဟာ အလုပ်တစ်ခုကို တမင် အချိန်စွဲ ပြီး လုပ်တက်တဲ့ အကျင့်ကို ပြင်လိုက်ကာ အသံသွင်းခြင်းနဲ့ အသံပြန် စစ်ဆေးခြင်းတွေ ကို အရမ်းအာရုံစူးစိုက် ထားပြီးတော့ အလုပ်ကို ဝီရိယ ရှိရှိ ကြိုးစားလုပ်ကိုင် ခဲ့တယ်။

စတူဒီယို ထဲက အဖွဲ့ဝင် တစ်ဦး ဖြစ်တဲ့ ဒါရိုက်တာ မိုဂျီယု အတွက်တော့ ရှောင်းယု တစ်ယောက်ဟာ ဘေယန် နတ်ဘုရား ပါတဲ့ ကြော်ငြာဘုတ်ကို မြင်ပြီးတဲ့နောက် အသံသွင်းခြင်း အလုပ်ကို အရူးအမူး လုပ်ကိုင်လာတယ်လို့ ကြားရတော့တယ်။ အဲ့နောက်တော့ သူနဲ့ ရှောင်းယု တို့ နှစ်ယောက်လုံးက သူတို့ရဲ့ ပါဆင်နယ် ကော်လက်ရှင်း အတွက် ဘေယန်ရဲ့ အသံသွင်းမှုတွေကို တစ်ယောက်ဆီ ကူးထည့်ကြပါတော့တယ်။
သူတို့ဟာ သူတို့ရဲ့ ပါဆင်နယ် ကော်လက်ရှင်း ကို တစ်ခါတစ်လေ မှသာလျှင် ထုတ်ကာ နားထောင်တက်ကြပါတယ်။