COMPLETE (နွေရာသီရဲ့လက်ဖက်ရည် ) Mm Translation

အပိုင်း ( 30)

[ Unicode]

30. နွေရာသီရဲ့ လက်ဖက်ရည်

  နောက်ထပ်ဖြစ်လာတဲ့  နေ့ရက်တွေနဲ့  အရာအားလုံးကတော့ သဘာဝကျစွာ ချောချောမွေ့မွေ့ပဲ ဖြတ်သန်းသွားလေတယ်။ ရှလျောင် က ဇတ်ညွှန်းနဲ့  တစ်ခြား လိုအပ်တဲ့ ပစ္စည်း တွေကို စုန့်ချီယန် ဆီကို ပို့ပေးခဲ့တယ်။ သူမက သူ့ဆီကို ပို့ပို့ချင်းပဲ သူက ချက်ချင်း ပြန်စာ ပေးခဲ့တယ်။ ဒါပေမယ့် သူက Wechat ကနေပြီးတော့ အသံမက်ဆေ့ချ်နဲ့ ပို့ပေးတာပဲ ဖြစ်တယ်။

သူပို့ပေးတဲ့ အသံမက်ဆေ့ချ်ရဲ့ နောက်ခံကနေ ဆူညံနေတဲ့ အသံတွေကို ကြားရခြင်း အားဖြင့်  သူက သူ့တိုက်ခန်း ကိုပြန်နေတဲ့ လမ်းမှာပဲ ရှိနေသေးတယ် ဆိုတာက သိပ်ကိုသိသာနေတယ်။ စုန့်ချီယန် ပို့လိုက် တာက -

" ကိုယ်ပြန်ရောက် တဲ့အခါ မင်းပို့ထားတဲ့ ဟာတွေကို ဒေါင်းလုခ် လုပ်လိုက်မယ်။ ပြီးတော့ ကိုယ်အသံသွင်းထား တဲ့ ဖိုင်တွေကို မင်းရဲ့​မေးလ်ဘောက် ထဲကို တက်နိုင်သမျှ မြန်မြန် ပို့ပေးလိုက်မယ်။ အကယ်၍ မင်းဆီကို ပို့ပေးတဲ့ အသံဖိုင်တွေ ထဲမှာပြန် ပြင်စရာ ရှိရင် ဘယ်အချိန်မဆို ကိုယ့်ကိုပြန် ပြောလို့ရတယ်နော်။''

ပထမ အသံမက်ဆေ့ချ် ပြီးသွားတဲ့ အခါ ဒုတိယ အသံ တစ်ခုက ပွင့်လာခဲ့တယ်။

" စောစော အိပ်ယာ ဝင်နော်..... ကောင်းသောည ဖြစ်ပါစေ ရှလျောင်ရေ...''

ရှလျောင် တစ်ယောက် သူမရဲ့ စာပွဲခုံ အစွန်နား မှာတင်ထားတဲ့ နှိုးစက် နာရီကို ကြည့်လိုက်တယ်။ အဲဒီ့မှာ ပြထားတဲ့ အချိန်က သိသိသာသာကြီး ကို ည ၈ နာရီ ကျော်ကျော် ပဲ ရှိနေသေးတာ။
ရှလျောင် တစ်ခဏတော့ တိတ်ဆိတ် သွားတယ်။ နောက်တော့ သူမက

" ကောင်းသော ညပါလို့... ''

စာပြန်လိုက်ပြီး ရေချိုးဖို့ အဝတ်အစား လဲ လိုက်တယ်။ ရေချိုး ပြီးတဲ့နောက်မှာတော့ အိပ်ယာဝင် ခဲ့ပါတော့တယ်။

ည ၉ နာရီ ဝန်းကျင်လောက်မှာ လင်းချင် တစ်ယောက် သူမရဲ့ တိုက်ခန်းဆီ ပြန်ရောက်လာခဲ့တယ်။ သူမ ရှင်းရှင်း လင်းလင်း ကြီး မြင်ရတာက ရှလျောင်ရဲ့ ဖိနပ်တွေဟာ တံခါး နားမှာ ရှိနေတာကိုပဲ။ဒါပေမယ့် အခန်းထဲကနေ ဘာအသံမှ မကြား ရဘူး။ အိုးမိုင်..... ဒီလို ဖြစ်ရပ် မျိုးက လုံးဝ ကြုံတောင့်ကြုံခဲ ပဲ ။ ညဇီကွက် မစ်စစ် ရှလျောင် တစ်ယောက် စောစောစီးစီး ကြီး တကယ်ကြီး အိပ်သွားတာပဲ။ သူမ ဘာမှား (ဖြစ်) နေလို့ပါလိမ့်?။