مزنه في وگر الشيذمان

...1...

#مزنه_في_وگر_الشيذمان
بـقـلـم /شهد الحسناوي
البارت الاول

ثم رأى ان من واجبه وهو الناقد ان يوجه بعض الملاحظات، فقال:
-الا ان اذنها الموسيقيه تنبؤ احياناً عن النغم
الصحيح فتقع في الأخطاء شأنها في ذالك
شأن الشاعره المعروفه أميلي ديكنسون،
ولها في الغنائيات مايشبه مقطعات لاندور.
كان هذا الكلام كله ضرباً من الرطانه في نظر جورج. برغرين، ولم يجد في هذا الرجل الكريه الذي. يخاطبه شيئاً شوى جبهه عريضة.
غير ان الكولونيل كان مهذباً يجيب بأدب،
ويتصرف تصرف المدمنين، وهنري داشوود يتابع كلامه، كأن لم يسمع شيئاً ..

ص17 من كتاب ( زوجة الكولونيل )
وقصص اخرى قديمه

مستمره بالقرائه بس قاطعني دخول المُدرسه
- مزنه ماما شعندج بالمكتبه وحدج الطالبات كلهن طلعن

- ست مثل ما تعرفين هذا اخر يوم الي هنا بعد جايه الامتحانات الوزاريه وبغير مدرسه وما اشوفجن بعد وحبيت مثل كل يوم ابقى اقرا هذا الكتاب حبيته وجذب انتباهي ونوب بعدني ببدايته

ابتسمت بوجهي كلش احب هالمُدرسه تفائلني اني صح انسانه ما اظهر مشاعري انسانه قويه ظاهرياً كلها التشوفني تگول هاي البنيه ما تحتاج احد يسندها هي صايره سند لروحها
بس ما يعرفون شنو بداخلي و ررحي شكد هشه

هي الوحيده التفهمني بدون ما احجي احسها ام الي بوكت كسرتي وحزني هي التظهر حنانها الي وتحسسني كانو بنتها وتطبطب على جتفي تسند ظهري وتشجعني وتخليني ارجع لحيلي وانهض من جديد

راحت باتجاه الرفوف اللي بيها الكتب شوي واجتني بايدها الكتب
- اخذيهن حبيبتي هذني هديه مني الج ادري بيج جنتي متحمسه لقرائتهن وهذا كذالك اخذي وكملي قرائته بس الاريده منج هسه تشدين حيلج سادس وعوفيهن ورا نجاحج كملي

- ست بس هذن مُلك عام ومن لبنان جبتيهن وطبعتهن قديمن خاف ما تلكيهن هنا وحرام علينه

- حبيبتي اني اعوضهن واجيب احط بلمكتبه هذني اعتبريهن هديه مني الج من ام لبنتها

دمعت عيوني على نهاية كلامها تشكرت منها ودعتها هي وباقي مدرساتي وطلعت الكتب بايدي وامشي

احاول اثكل بلخطوه

هالمدرسه جانت الشيء الوحيد اللي اهرب بي من واقعي المرير اكره البيت اكره رجعة البيت
اكعد اتساءل واتخايل لو عندي اب لو عندي بيت جد بيهم خير ويردوني مجان صار بيه اللي ديصير هسه

مجان جاي اعاني من تفرقة ام بيني وبين باقي اولادها من زوجها الثاني

مجان صار بيه اللي جاي يصير هسه وتعرضي الى التحرش من زوج ام
وام ظالمه ما تصدك بنتها من تحجيلها شي او تكللها زوجج يتحارش بيه