مزنه في وگر الشيذمان

...3...

#مزنه_في_وگر_الشيذمان
بـقـلـم / شهد الحسناوي
البارت الثالث

انا كشخص اولًا و امرأة ثانيًا
أُوجد في مجتمع يعيش كل الازمنة الّا الحاضر
مبرمج ان لا يرى الوسطية ،
ان يعتنق كل التطرف و لا يعتنق الحياد
ان يرى الانسان ابيض او اسود ،
مهما تعددت التدرجات اللونية
مجتمع لا يفهم الفن ،
ينادي بالمثالية صارخًا
يُقصي الاختلاف ،
يحارب الفكرة و يقتلها قبل أن تولد
يعاني افراده امراضًا نفسية كثيرة
و علاقات تواصل مجتمعية مشوهة
يحوي ما يحوي من الشروخ و التداعيات
مجتمع لا يقوى ان يواجه ابسط اخطائه
انا كشخص اولًا
و مريض نفسي ثانيًا
و امرأة ثالثًا
أعاني التخلخل ،
فقدان التوازن
الخوف من الفقدان ،
اعاني الحياد و الوسطية
انني لا انتمي للابيض او الاسود
اعاني الانعزال ،
انعدام الثقة بالاخرين
اعاني نفسي ، ثم نفسي و الاخرين
انا كشخص
اعاني الانسلاخ الدائم
من مجتمع لا يشبهني البتّة
و رغم ذلك يقيدني بجدرانه ابدًا .

مزن

ظليت كاعده ويتردد ببالي كلامه
انتِ قويه ... انتِ قويه
صدك انطاني قوه و شجعني هالكلام

باوعت ع الكهوه ياا شكد عيب ما نطيته فلوسها صارت بلاش
ضحكت نوب كلت يلا نوبه لاخ انطيها اله اذا شفته بعد

طلعت كتابي زوجة الكولونيل رجعت اقرا بي احبه كلش احبه لهذا الكتاب يجنن ويونس
من اقرا احس بشعور حلو انسى كلشي مؤلم صاير وياي
اهرب من واقعي للقراءه احس من الزم الكتاب بايدي يمتص مني شعور الغضب والالم كل شعور بشع ومؤذي انسى واتيه ببين السطور ويصبح تركيزي فقط ويا الكتاب والتمعن بطياته

كملت وكمت بلعت ريكي هسه شلون
ارجع موو اي ارجع لعد شنو اضل برا بس خاف امي بعدها مراجعه
ضليت اتمشى على كيفي نوب توجهت ع البيت وصلت باوعت عليه نوب تجرئت ودخلت

لكيت امي كدامي بس شنو واصله مرحله بلعصبيه كبل جرتني وعاطت بيه
- شهالاستهتار مالتج مزن

- شنو شمسويه يااستهتار

- تشوفين عمج دايخ ومريض وتعوفي وتطلعين وبعدها واكع واجيت لكيته مدد بلكاع وراسه مشكوك

- وشعليه اني

- لج شنو هل برود شنو شعليه بنت الجيران انتِ

- هو زوجج مو زوجي بلنسبه الي غريب وما يقربلي شي غير زوج ام واني اكرهه كره موت اشوف عدوي ولا اشوفه

ما حسيت الا براشدي منها ضلت تعيط وتصيح عليه بس فصلت عنها ما سمعت كلشي
دمعه ما نزلت مني وما اصدرت اي ردة فعل
كمت من يمها وصعدت