مزنه في وگر الشيذمان

...18...

#مزنه_في_وگر_الشيذمان
بـقـلـم /شهد الحسناوي
البارت الثامن عشر
.
.
.
.
.
.
أحس بردان
أريدن نار
مثل النار البگلبي
وجمره مايبخل بــ فيه
أريد أنسان مثلْيےّ
يكون بي كلشي
ويجاوب كلشي مابيه
.
.
.
.

مزن
.
.
.
اباوع عليه انفعل كلش من وره ما سد المكالمه ردت احجي عافني وطلع
استغربت نوب رجعت دخلت جوه
باوعت عليه مرت عمو وكالت
- شني الراده منج

- ما راد شي

- چا ليش اخذج ويا

دارت وجهها مني ضايجه ترخصت وكمت
مشيت جاي اصعد مريت ع المطبخ لكيت يوسف حجيت بعدم تصديق

- يوسف راح تروح لاربيل لو لغير مكان

ضحك
- شني ما سمعتج شتقصدين

- تعرف الاقصده

- خوش اكل طيب كعدي اكلي

- لا شبعانه

- عزيمه وصلتنه مناك ورايحين تعرفيني انه ابد ما ارد العزيمه

كعدت كباله وكتله
- كذب !!!! اهلها عزموك

- رحم الله والديك حشيش براسي اني .... المهم مقبوله منك فهمني لعد منو العزموك

- خوال صويحبي

- خوال صديقك يعني من الموصل وصديقك هنا ياخذكم ويا

- هو موش من الموصل خواله بلموصل ... الزلمه اصله من بغداد بس هنا يدرس هو وابن عمه جانو اقسام داخليه اول سنه بعدها اجرولهم بيت وكعدو بي وكل عطله يردون لاهلهم

- ها ومن يروح ياخذكم ويا

- طركاعه چا انه شلون رحت للموصل هو جنه باربيل وعزمونه انه اكلج بلبدايه جنت متردد اروح لجن بعدها رحت وياهم ع الواهس وكِلش حبيت الموصل

- اي حبيتها لو بيدك تتربع بنصها

- اويلااااه يابويه لو بيدي اخليها بكليبي ديرة المحبوبه

- دمعت وتأثرت مشاعري كافي كافي

ضحك وكال
- شمالج انتِ ليش دمعتي

- على كمية الحُب والمشاعر

- هذي ربع منها

باوعتله صفح واني استوعب كلامه بعدها كتله
- اكلك يعني هسه انتَ جاي تلمحلي انو انتو رايحين لاربيل ومناك تروحون الهم للموصل مو صح

- چا ياهو العازمنه ابوي

- و راح تشوفها

- الله اعلم بعد ياخيتي مادري تصير صدفه لو لا

- انتَ كم مره شايفها

ابتسم وكال
- معاينها ضبط بـ 6 روحات الي انه اعاينها بس يعني بكل روحه موش مره وحده لا على عدد الايام الاروح بيها اعاينها واذا وكف وياي حظي مرتين بليوم صارتلي جنها علاج