مزنه في وگر الشيذمان

...48...

#مزنه_في_وگر_الشيذمان
بـقـلـم / شهد الحسناوي
البارت الثامن و الاربعون

اصعب موقف بلحظات الوداع ..
من تشوف الجنت تبني تهدم..
من تقوي كلبك وانته مجروح..
مامهتم تبين وانته مهتم..
من تبتسم بس بداخلك نوح..
والجروح باب عينك سكته تلتم..
تضطر تمشي لكن وانته مكسور..
عزة نفسك تبررلك الهم..
وراه تعيش لكن كلبك يموت..
واحساسك الطيب يبدي يفهم..
لاتحزن بعد بل عنك يروح..
مامسموحلك يوميه تندم..
كل جروحنه وكل المعاناة..
من ما وره الناس البيهه نحلم..

مَـزن

الصياح من جوه صار قوي اريد اكوم بس رجلي ما تعيني
ما عايزين مصايب وموت بعد
والله حتى صارت بيه خوفه رقه نزلت
كمت اخذت سيف اخاف ابقي وحده لفيته وخليته بحظني

نزلت وراهم شفت عمه واكعه يصحون بيها متصحى
كعدت رأساً دخت رجعت راسي على باية الدرج اباوع على سيف بلكوه لامه ايدي عليه احسه راح يوكع
اجتي سمره تريد تاخذه مني منعتها بس احس عيوني راح تنكلب
ضغطي هبط

اجتني عذراء كتلها
- جيبيلي ملح

- شني ملح ؟

- ملح مال اكل ضغطي هبط

راحت جابتلي اخذته خليته بحلكي وغمضت اريد راسي يتعدل حتى اكوم صياحهن يوصلني
فتحت عيني وبيه مابيه كمت
حملي يموتني وينهيني كلشي يصير يهبط ضغطي

مشيت يم عمه وصلني ونينهه
كعدت كتلهم
- لا تظلون تصحوهـا اخذوها للمستشفى

صاحت رنس
- ماكوو احد حتى مصطفى الاغبـر مدري وين رايح وين نولي ياهو يعرف يسوق

مشيت يم عمه وصلني ونينهه
كعدت كتلهم
- لا تظلون تصحوهـا اخذوها للمستشفى

صاحت رنس
- ماكوو احد حتى مصطفى الاغبـر مدري وين رايح وين نولي ياهو يعرف يسوق

نزلت تَرف
- هاي شبيجن جيبن عبايه اني اخذهـا

- وين تاخذيها تعرفين

- اي اعرف اسوق وعندي اجازه .....

سكتنه
- ياا كومن جيبن عبايه خلي ناخذها للمستشفى

كلهن كامن يزيدن يروحن بس ترف صاحت
- محدد يجي كعدن وسكتن امشي ذو الفقار و وناس بس

شالوهـا وناس و ذو الفقار طلعوهـا و تَرف صعدت شغلت السياره و طلعـو
ظلينه كاعدين و رنـس تدردم على مصطفى و تحجي عليه
الساعه بـ 3 بليل مادري وينه ما موجود بلبيت

وراها ظلت تبجي وتصيح
- هسه امي هم تروح مثل الراحو

بجتنه كلنه
- رنس لا توهسين البينه كافينه

بجه سيف و گعد ما شبعان نوم وكفنه على تك رجل يلا هدء
ورا كعد زين العابدين وثنينهم ياهو اليبجي الثاني ياخذه الواهس ويبجي ويا
شويه و نزلت ملوكه
لاعبتهم لحد ما سكتت اجتي باستني وكالت
- صباح الخير