مزنه في وگر الشيذمان

...17...

#مزنه_في_وگر_الشيذمان
بـقلـم /شهد الحسناوي
البارت السابع عشر

"شعرت معهُ بشعور غريب
جداً لم أستطيع ان اسنيه
لأنني لم اعشه من قبل
أكاد أنسى ما هو
حتى! قيل لي بأنه الإطمئنان،
الشيء الأكثر ندرة
بحياة كل شخص ""

مزن

صاح يوسف
- خواتي تعرف شني يعني خواتي
ما انظرلهن بغير نظره وعمري ما نظرت لعذراء بنظرة زوجه كد ما نظرتلها بنظرة اخت

- چا منا وهيج انظرلها جنها زوجتك

- ماكو هيج شي موش بكيفك تمشينه انتَ جدي اتقي الله

- لكك شني هالحجي

- خاب بالقران اتقي الله شويه اللي بكدك شبعو ماي ورد

- عاين دامك تحجي هيج غصب عنك تاخذ بت عمك موش انتَ وذاك منتظر وكلكم تردون على مرامكم وبنيات عمكم موجودات شلون ما دكها اخووك بينه

النسوان يحجن فيصل و الاء و فيصل والاء وتاليها فيصل ضربهن بعرض الحايط ومشه جلمته ع الجبير والصغير و راد مزن وهي ما توالمه

وذاك منتظر خواتك ما رادن وهو ما صدك اجته من الله ركض ع البت وعنده هذن بنيات عمته جدامه وانتَ هسه ما تريد عذير وهم ناوي تجيب غيرها لبيت اهلك

- وشمالها مزن جدي شمالها هم بنية عمنه واختنه وفيصل من اختارها و زين ما اختار لو يلف الكون كِله ما يلكى بت مثلها
الزواج موش غصب واكراه الزواج شي مقدس وبارضاء الطرفين ومحد يكدر يخليني اخذ و ارضى بشي موش بنفسي وموش مفكر بي انه

- فيصل سواها انتَ ما تسويها ....

قاطعهم صوته وهو يدخل
- شني فيصل مر اسمي بلطاري

ابتسمت واووو تسجيل دخول فخم من فيصل

باوع عليه جدو وكال
- جاي اقارن بينك وبين اخوك

- وليش تقارن بيني وبين اخوي ؟

- ما يرضى بعذراء

حجه بهدوء وهو يكعد
- وشني يعني هذا شي يردله ان رضى او ما رضى هو الراح يتزوجها موش واحد بغيره

- شني انت واعي على حجيك

- جا تعايني فاقد لو مغمى عليه

صاح جدو بعصبيه وانتفض
- فيصلللل

قابله فيصل برده البارد
- نعم جدي

- لا تستفزني

- هو ياهو المستفزك انه جاي احجي الحك الزواج موش امر تصدره انت واحنه موش اتباع وعبيد حتى نمشي بكلشي تكوله نمشي بلزين ونتعدى الشين

- وهذا الشي شين من ردته ياخذ بت عمه

- اذا هالشي يمشي برضاته خيرٌ على خير لجن اذا ما يرضى بيها ما يصير كلشي