مزنه في وگر الشيذمان

...36...

#مزنه_في_وگر_الشيذمان
بـقـلـم / شهد الحسناوي
البارت السادس والثلاثون

مشتاقلَك حيل وعلي بَس چنك مضَيعني
رَكز بوجهي تذكرت ؟
ٱني الچنت من تلتفت حتى الهوى يوجَعني
ٱني الجزوني ربِيعتي وحُبك قرن رَجعني
ٱني الگلتلَك لو متت بجفوفك اتشيعني
گآلو مشگگ صورتي مرَجعني ومگطعني

بشهادة وادم و دلائل يريد يلقي القبض على اخوي
تفاجئنه كلنه من هال*** بعد هالفتره الطويله المرت كلها جان يخطط النه بهالسالفه الناكصه وبس صار عنده علم عمي مات ذبها براس سعد
اخذو وما كدرو عمامي يدخلون جان هو عسكري گبل السقوط واله مكانه جبيره

بعد فتره فهموهم مسألة شرف بس هو نكر وانأخذ باقواله اله و امج شهدت ضده بوكتها وكفت چدام الكل و شهدت سعد هو اللي طك وائل جدامها

سنين كضت بايمها وساعاتها سعد مختفي مانعرف اراضي وين ما خلينه مچان ما سئلنه عليه لچن ماله اثر

ابوي ما سكت بس جدي ما حرك جدمه ابد ما يدير بال
وانه اكل بروحي على اخوي واركض ويه ابوي اريد بس اعرف مچانه وين اسراء مرته ظلت يمنه وره جم شهر من غيابه ولدت ذو الفقار

امي جانت تعاين على ذو الفقار وتبجي انتهت بهاي الفتره واحنه نراكض بيهـا للمستشفيات لحد ما صارت زينه
اخر شي وصلولنه اخبار وادم يكولون عدمـو
و وادم غيرهم يكولون چتلو وراح

وصلنه مرحله حبوبه من تسوي ثواب لعمي سيف تذكر سعد ويـا
عشناهـا بضيم واذيه ذيج الفتره كلها

بهاي الفتره المضت اللي التهينه بسعد اخوي بيها وصلنه خَبر امج طلعت متزوجه رأساً من طالعه عدتها واللي تزوجته نفسه اللي خانت عمـي ويا هو وائل زوج عمتي ابتسام السابق و رَدت الطلايب للبيت بس جدي جان يدافعلها شني سره وياها مادري
اما الباقي كِلها محترك كلبها

وخلال هالسنه هم وصلنه خبر انتِ داخله مستشفى مدري منين طايحه و متعرضه لـ حادث براسج
دخلوج اكثر من عمليه يلا صرتي زينه بس بعدهـا متعرضه لصدمه

ابوي راد يروحلج بس لهسه اذكر چلمات جدي وكف چدامه وگله
- اذا تطلع من هالبيت وتتعنى للوادم لا انه ابوك ولا اعرفك ما توصلنه بعد وحتى عيالك تنساهم .... مزن تنسوهـا احسبو سيف مات وماعنده خلفه

اكثـر شي اذاني من مره لكيت فرصه و اتصلت على واحد من خوالج
ومن بعد طلابه شكدها هو وابوي خلاني احجي وياج وانتِ ما تردين عَلي اخر شي كتلج
- يالمزن انه فيصل

تكليلي
- منو فيصل؟
هنـا حيل تأذيت انه جنت اكرب الناس الج وكِله تصيحين باسمي بفرحج وبحزنج هسه نسيتيني

حبوبه من سمعت هيج وانتِ بعد ما تذكرينه كالت
- احسن لا تذكرنه خلها البت تعيش بعيد علينه بس تردلنه ياكلوها
و وداد امهـا وشي اكيد هسه تحم عليها وتحبها وما تگصر وياهـا