مزنه في وگر الشيذمان

...23...

#مزنه_في_وگر_الشيذمان
بـقـلـم/شهد الحسناوي
البارت الثالث والعشرون

حتى وانتَ هناك أشمّك
وحتى مِن يحچُون يميّ باسالفه
وجابوك بيّها
اتغاضى عن السُولفوهِن
وباليّ كُله يصّير يمَك
شِني عود مطشِرة أيامي اعله وينَك؟
واليريد يلمنيّ بَس يطخني بأسمك.

.
.
.

مزن

ظليت واگفه وحايره شسوي وشحجي ما ردت يوسف يظل بهذا الموقف
كعد كباله فيصل وگال
- تتعنى للموصل لجل بت

- لا فيصل شمالك علي اليوم

- چا شني اخوي احجي فهمني

تقدمت عليه وگتله
- لخاطري راح للموصل

رفع نظره الي بعد ما جان ملتهي بـ يوسف
- لخاطرج !؟

بلعت ريگي
- اي هو مو راح لاربيل وسليمانيه ومناطق الشماليه يتونس هو واصدقائه بعدها اني وصيته يروح للموصل

بلعت ريگي
- اي هو مو راح لاربيل وسليمانيه ومناطق الشماليه يتونس هو واصدقائه بعدها اني وصيته يروح للموصل

- ليش شعندج بـ الموصل

- اني من جنت ببغداد مو تدرون كلكم اكيد اداوم وعندي صديقات هواي فـ هي جانت عندي صديقه كلش عزيزه احبها بس هي بالموصل ومـن سمعت بخطوبتي وانو راح اتزوج كلتلي اجيبلج هديه وهاي وعزمتني لانو هي متكدر تجي بس اني ما قبلت كتلها شيجيبني للموصل وبعيده ما اكدر و رفضت وهي زعلت مني فتره بس من راح يوسف لاربيل و باعتبار الموصل قريبه عليه طلبت منه يُمر عليها لانو احبها وما هان زعلها عليه وهو هم من كتله گال تدللين و راحلها ودزتلي هديتي من خلاله يعني اذا تريد تحجي يوسف ماله ذنب الذنب ذنبي اني

باوع عليه جنه ما مصدك بالحجي الحجيته
- مره لاخ تكليلي انه موش تتوسطين يم يوسف

- بـ شنو متوسطه اني هو صديقتي رادت تدزلي هديه وكتله ليوسف اذا عنده مجال يمر عليها

- جان كلتيلي انه

- ما چان اكو شي رسمي بـ بينه حتى اكلك مجرد كلام وثنينكم ولد عمي

گام وباوع عليه
- چا خوش مادام هسه صار گلشي رسمي واسبوع الچاي زواجنه بلغيها للبت اللي هي صديقتج دامها عزمتج احنه موش من شيمنه نرد عزيمه تتوجهه النه فـ ورا الزواج نتعنالها

ضليت صافنه عليه يـاب شراح يخلصني من هل مصيبه
- ليش اكللها انتَ راح ترجع لدوامك وعياده ومستشفى وهاي شلون تلحك تاخذني للموصل عيب اكول للبنيه وبعدين منروح

- شدخلج انتِ بويه شغلي انه ارتبه واخذج الها

- يعني انتَ تروح للموصل