مزنه في وگر الشيذمان

...21...

#مزنه_في_وگر_الشيذمان
بـقـلـم/شهد الحسناوي
البارت الحادي والعشرين

الـ گبل اتمنى طيفه يزورني يبات،
واسولفله اعله ﻋمـٰ̲ﮧ̷ۛۛــري وع الخسارات ،
الـ چنت ما اندم اعله الثانية وياه..
هظيمه يصير من ضمن الحرامات!

مزن

اسم المُرسل "ضَي"
منو هاي ضَي تحجيله على بان
نوب طلعتلي بان
صدك ضجت بس بعدها هدئت نفسي

نزلت باوعت بلصاله ماكو طلعت برا لكيته كاعد بلحديقه جوا السدره مرجع راسه عليها ومغمض وكفت يمه عبالي نايم فززني من گال

- تأخرتي

- اصلاً ما حجيت هواي بس مبين اخرتك على طلعتك

- اي كِلش

- اي هما هم ينتظروك عيني تاخرت عليهم
حجيتها وابتسمت

كبل فتح عيونه ونظرلي بتعجب
- شعرفج

- شلون ماعرف اذا رساله و را رساله تجي

اخذ فونه مني رأساً شگله فتحه وشاف الرسائل مشه وكتله
- فيصل ما دام البدايه هيج لا اقبل بخطوبه ولا بزواح وهسه ابلغ جدو بكلشي

جاي امشي سحبني
- تهدديني انتِ لو شني

- لا اهددك ولا شي بعدنه قبل الخطوبه وانتَ بان ومدري منو ومدري ايش والله اعلم بعد كم وحده

- انتِ كلتيها كبل الخطوبه

- يعني تقنعني اذا تخطبني تتركهن

- بعدين افهمج
عافني وطلع
اهوووو هاي شلون سالفه ويا
تربعت جوه السدره بمكانه ورجيت راسي ع الجذع معقوله تطلع ورا هالفيصل مصيبه

ظليت افكر بعدها تذكرت من مره ديحجي ع البيت وكالوله
.. هذا بيت مرتك ..
وطفرت معقوله فيصل يطلع متزوج وجاي يضحك عليه
بس شلون يضحك عليه شمهما يكون اني بنت عمه وعرضه وما يسويها ويدك الناقصه وياي

ما اتوقعها منه هاي بس اتوقع يگون متزوج وياخذني الثانيه وبعدها يسويلياها مفاجئه لازم احقق بلسالفه
واعرف ظني صح لو غلط واكيد رنس الها علم ولو شويه من الموضوع واحنه كلش صديقات واعرف شلون احاجيها

طردت هالسالفه من بالي وكمت اكلت و صعدت فوك دخلت للفيس بحثت ع فيس يوسف واني ناويه نيه مو عبث

حسابه عام اصلاً بدون ما ادز طلب صداقه منشوراته كلهن ظاهره دزيتله كبل قبل الطلب

دخلت لاصدقائه بعدين كلت اني من كل عقلي ادور على فيس لهب باصدقاء يوسف!!!! بس شلون هو ما متواصل وياها بس لازم اكو رابط من خلال حساب يوسف يوصلني لحسابها وهما هذوله اصدقائه شسمهم
سامر و مؤيد اللي هو بلاساس خواله من الموصل

هيج اريد احجي ونصير صديقات اني وياها اذا ما طكتني ببلوك اول ما الگى حسابها

بس هسه اول خطوه لازم الكى حساب هذا دخلت على منشوراته ماكو شي نشر عادي صوره هو واصدقائه
دزيتله رساله
- شدعواك هلكد لايكات وتعليقات منين اجوك