مزنه في وگر الشيذمان

...31...

#مزنه_في_وگر_الشيذمان
بـقـلـم / شهد الحسناوي
البارت الحادي والثلاثون

يل كرهتني بالشتا..
شكد جان طبعك بارد
من جنت احجيلك محترك ..
والكاك حيل تعاند
من جان عندك چم محب ..
وماعندي غيرك واحد ..
كل ذني مو صوجك ترى
صوج اهتمامي الزايد..

**لطفاً بدون انتقاد

مـزن

حاولت اتملص منه ما كدرت اخر شي هو دفعني
صرخت بي
- انتَ منو و شتريد مني

- الثار يبت العضيد
صوته خوفنـي مخشنه ويحاول يغير بي بس احسه مألوف عليه عيونه نفسها العيون اللي شفتها بذيج الليله بلحديقه وهم مثلم
اميزها وما اكدر انساها هاي النظره حافضتها
حسيت بنفسي بده يثگل

بلعت ريگي وكتله
- مالي دخل اني بثاركم عوفني واطلع وشنو بنت العضيد اطلع لا اخابر لزوجي يجيك

- من كِل عگلج انتِ رب الثار واساسه وما ينوخذ الا منج

كمت ردت احجي بعد ضربني ضربه بوجهي تگومت بلكاع وحلكي صار ينزف دم سحبني من شعري وكع الشال بجيت و دفعته
عطت بي
- لكك عوفني منو انتَ .... حراام عليك حرام

راد يتقرب اكثر دفعته و نبتت اظافيري بايده

ابتعد رفع ايده الثانيه تحسس الوجع
وما حسيت الا بـ دفره تركزت بـ بطني
تصنمت بمكاني حسيت احشائي تگطعت
بعد ما صـدر منـي صوت ظليت بس اهمـس بأسمـه
فيصل ... فيصل

اخذت ضربه برجله على وجهي
وگـال
- فيصل ،،،،، الذيب وينه ،،، محد يفگدج غيره
ضحك باستهزاء
- طلعو وخلوچ وحدج الي جنهم يحثوني اخذ ثاري منج

مسحت وجهي و زحفت ليورا
- تـروح فدوه لتراب رجله لا تنطق اسمه بلسانك حرام ...... انتَ لو صدك ما تطلع رجولتك عليه وانـي بنيه انتَ ......

تقدم عليه ضربني بس ما سكتت
- انتَ لو صدك رجـال ما تاخذ ثارك من مره بهاي الحاله لا حول ولا قوه
انتَ لو رجال ما تتقاوه عليه

رفعني دفرته تأذه وگال
- هسه اخليج تعاينين الرجال شني يكدر يسوي

عافني ومشه اختفه من كدامـي ما صَدكت
لزمت بطني توجيت وكمت دخلت للمطبخ تلاكفت الفون طفه كلشي وتظلم البيت

ايدي ترجف ودموعي بطرف عيني
خايفه من هذا الواقع
كله من ورايه ومن وره عنادي اخ
لو سامعه كلام فيصل و راجعه للبيت احسن
ما جان صـار هيج بس عنادي ويا اذاني

وجهي وبطني المهن يصل
وكعت بلكاع و نزلت دموعي
صوت بداخلي يگلي وينـها قوتـج مـزن؟
يا قـوه بـ هيج موقـف كل قوه راحت من عندي اريد بس اشرد منه

گـاعده بلظلمه وحدي والم جسمي يدك براسي
ظليت اتلفت وختلت ورا الميز
صوته يصيح
- وينج ؟؟ بيا ركن لابده ؟؟