مزنه في وگر الشيذمان

...39...

#مزنه_في_وگر_الشيذمان
بـقـلـم / شهد الحسناوي
البارت التاسع والثلاثون

شجَابك بَعد هذا الوَكت
وشفززت بشفَايفك .؟!
عِنديّ مَشاعر مَا غُفن
لِسة مَا يدرن عَايفك
و أثنينا أنبعنا حِلم
وشچَم دَمع مستغربك
وشچَم دَمع مَا شَايفك
شِفتك و مَا أدري شكو
مَدري شنو البچانيّ .!
و مَا أدري يا ذكرة أطلعت
وشسولفت قُمصانيّ .!
وحَنيت لأيَام الشتهَ
وذِيچ اللياليّ الحارهَ
ولَهفتنا غَطتها السمهَ
و واحدنة مَحد جابرهَ
وأتذكرت ..
ذِيچ الوعود المو صِدگ
وذاكَ الحَچي الـ بالوَرقة
صَح الرسَايل تِنسي
بَس اللي بيهن يُبقى
شنرد بَعد وأحنا بوَكت
گدامك ألبس حَلقة .!
لا بية أگللك هَلة ..
لا بية أرِد لغيرتيّ ..
خَايف الوَادم لو دَرت
وآنة عَزيز بديرتيّ
شگد چِنت محتاجَك تِجيّ
ومَا جيتنيّ ولا چَنك
وشگد رسَايل بالچذب
دزيتها يحَركنك
وتندمت من أعرفت
ليّل الله سَووا مِنك .

مَـزن

تفاجأت و ظليت متصنمه بمكاني طفر يوسف على عمه وگال
- لا يظل بالكم يجوز هبط الضغط
شالها وطلع و وناس ركضت ويا

فيصل ظل موجه نظره على سعد
وسعد رايح عبالك مو بوعيه كاعد واديه على راسه
وشيحجي مادري انقهرت عليه هـواي
رجال عمره يطلع بال 36 هـيج حالته
وهيج صـاير بـي والسبب أمـي

شهم طبطب على جتف فيصل يهدئه وگال
- لا تحرك دمك

طلع شهم ظلينه بس اني وفيصل بلغرفه
هجم على سعد ... شاله من ياخة قميصه
ونطق بعصبيه
- تطكها وهي الواكفه بظهرك وهي المساندتك لكك توكف ضدنه وتطبك وياك ليش سعدد ليشش رديت على امي هسه

دفعه بقوه نركع بلحايط
ردت اسحب فيصل صاح بيه
- اياج توصلين لهنـا حدج

رجع دنك يمه وكال
- تطك امـي سعـدد تطگهـاااا !!؟ ما كفاااك السويته بيه و بالمزن يابن امي وابوي ما كفاك وهسه رايد تچملها عليه صح ؟؟ عادي چا چملتها براحتك لچن ليش لـ امي امك هاي امك تعرررف شني امك شلون تطكها هيج وتطيحها كل مره اعذرك بس لهنا وهذاهـو انتهه كلشي .... سجل اعذراك حركته و صار رماد

عافه وكام بركضه طلع
ظل فيصل بعصبيته يفتر كدامي
اخذت مي و رحت نطيته
سحبته گعدته مسحت على وجهه وكتله
- فيصل اهدئ ميصير هيج اهدئ وتنحل الامور كلها ان شاء الله

تجرءت وحظنته بادلني
مشيت ايدي على ظهره وكتله
- فيصل ما يصير هيج صح عصبيتك نادراً ما تطلعها بس قَويه وتأذي حاول تخفف منها شويه حتى لا تتأذه ويصير بيك شي
وعمه مابيها شي ان شاء الله هسه شويه و ترجع

گـام ضل يصيح بوجهي واني ساگته
فـرغ عصبيته كلها بيه
سكتت وبلعت الموس لخاطره بس علمـود يهدئ