مزنه في وگر الشيذمان

...51...

#مزنه_في_وگر_الشيذمان
بـقـلـم / شهد الحسناوي
البارت الحادي والخمسون

آعزاز ياروحي النسوج
ومدري ليش
الينسه حيل يصير آعز ؟!
هما طفوا شوگنا
و طشوا رماد
وآنا لسه بشوگهم شو مستعز !

مَـزن

حجتها و دخلتهم بصدمه امـا اني خفت حيل
و ضَي وجهها صار اصفر
شمدريها ؟؟
ولهاي الدرجه وصلت بيها تحجي على عمتها كدام الكُل
والله تعجبت هواي منها !!
ممتوقعتها هيج تسوي وتوصل لهاي المواصيل ابد

صاح بيها فيصل
- لا تجذبيين بـان چلماتج الماصخه بطليها

- ما جاي اجذب انه سمعتها حجت هيج

هنا انقض عليها شهم ضربها وفيصل يسحب بي
بس هو مثل الفاقد ويصيح عليها
- هذا سررر رفضج يضَي .... تتمعشكين من ورايي

دفعه فيصل وصاح بي
- بسس خلي عندك ثقه بـ اختك من ورا جم چلمه طلعت من طفله هيج تاذيها

- عاينهااا ما تحجي باين كلشي صدك

ركض ع الدرج بس سبقه فيصل بخطوه وصار كدامه
هذا يغلط غلط ما ينحجي على يوسف
وفيصل صار جمر ما سكت الا بضربه
صاح بصوت حتى احنه خلانه نرجف اول مره اشوفه
لهاي الدرجه واصل بلعصبيه
- چلمه وحده بعد .... شينه تحجيها بحك اخوي انه وياك والشارع نصير انسه كلشي وانسه انتَ رفيچ وابن خال و اخليك تعاين فيصل شني وشيكدر يسوي

حلكك سده چلمه لا تحجي بعد موش انتَ اللي تشكك باخوي ولا انتَ اللي تمسه بهالحجي خليها بعلمك يوسف من الجدم للهامه يشرفكك
واذا على هاي السالفه فـ ما مسويها اخوي انه اعرفه ولك كلشي يحجيلي كلشي عن يوسف اعرفه .... وتاليها علاقته بـ ضَي يخفيها عني

كام شهم مسح وجهه دار وجهه و رجع لضي صاح عليها بصوت
- الحجته بـان صِدك

ظليت واكفه وادعي بكلبي تكله لا
هي بس دموع كرر السوال بصوت اعلى
وفاجئتني من هزت راسها بـ اي
دخيلك ربي ظليت متصنمه بمكاني شنو هالجرأه
راح تصير مُسبب للمشاكل هاي

صدك خلتني مذهوله شهم سواها هوسه لم الكل علينه والاضرب من هذا سَمره هم شهدت انو يوسف يحبها قبل لا يصير الانفجار ويتاذه بي

اخر شي فيصل فقد صبره وصاح
- وحك الله لونهن سَمره و بان و ضي يحلفن بالقران هسه انه ما اصدكهن ثقتي باخوي ما تنكسر وموش انتم التمشون چلماتكم عليه

ندار عليه وسحبني وكال
- انه واثق بيج وثقتي بيج فوك الكِل يالمزن والراح تحجي انه راح اكطع بي اليقين لان يوسف صح اخوي لچن مرات شغلات ما يحجيها الي يتعنالج الج وكلشي يحجيلج

چدامهم احلفج بـ الله و بالنبي و بلاميـر علي و بهالارواح اللي ببطنج اخوي يوسف عنده علاقه بـ ضي تدرين بهالشي وحاجيلج عنه ؟؟