مزنه في وگر الشيذمان

...24...

#مزنه_في_وگر_الشيذمان
بـقـلـم /شهد الحسناوي
البارت الرابع والعشرون (مفاجئ)

أيام البُعد جبناها صفنات
بيّن أمالنا وحيّرة أمرنه
تِجي لو ما تِجي گضينا الأيام
وصِرنه وياهو يدريّ شلون صِرنه..
صبٌرنا متاع صار وبعدك بعيّد
وتجوع أيامنا وتاگل صبُرن
شبعَد يَ الما تمُر ﻣـو كافي الغيّاب؟
صار هواي ننتظرك تمُرنه
نِذرنالك تجي وندعيّلك تعُود
وعمت سچيّنه وشَيّب نِذرنه
وعلى غيّرك چذب ما يرهم نرٌوح
ومنو غيركَ يسد حاجَة نَظرنه؟
يَ أبن الناس غَيرك ماكو موضوع
هَلبت بالچذب شَخصك ذِكرنه
نسَولف بّيك لآخر لحظه باليل
وتِرد مِن الصبُح تشغل فكريه ..
-جبّار رشيد

مزن

تفاجئت هاي شبي سعد هيج هجم على حبوبه
حجت وهي تبعده عنها
- شمالك انتَ چا غير ابنها

- ابني هذا موش بس ابنها

- انتَ هم حاسب روحك ابو رد لروحك واتفگد اعمالك

عيونه الخُضر طغت و ونكلبت دم حتى خفت اتقرب عليه وابعده عنها
- لشني تلمحين انتِ ؟ هـااا لشني

دتحجي دخلو فيصل ويوسف
فيصل راح لسعد سحبه وصاح بوجهه
- حبوووبتك هاي شمالك انتَ احتررم شويه

- شنيي حبوبتي عاينها شمسويه

- شمهما تسوي ما ارضاها الك هيج تسوي حبوبتك جبيره والها هيبتها وگدرها موش هيج تسوي وتعلي صوتك عليها

فيصل يحاجي بسعد و ذاك هايج ما يكعد و بس يصيح
- عاين فيصل ادفنه فوك امه وابو اللي يسعى بـ بُعد وليدي عني ماشي فهمتووو

- خويه اتهده ياهو اليكدر يبعده عنك بالقانون مرجعه الك بس ظلته يم امه مخافة الله بيها

هدء نوب كام هجم على فيصل وكال
- خويه انتَ شجاي ياخذك يمها تراها حيه بسبع روس تاخذ التريده وتشمر اليضل شوصلك تروح وتتعنالها

- بسك يخوي البت ما تعاين فاگده نظرها چا غير نخاف الله بيها ونراجع هي هم موش غريبه وبت خالنه باجر عمليتها من دكتور اعرفه وانه واثق راح يردلها نظرها وتروح بفالها بعد

- عساها ما ردلها

- خويه حرام الذنب بركبتك وانه من چاي اتعنه و اريد نظرها يردلها حتى ابري ذمتك

دفعه لفيصل ونطق بعصبيه
- وانه شلي دخل بيها وبفگدها النظر انتم شني عبالكم انه مسودن وما تصدكون بحجيي

- حشاك خويه بس هي جانت مرتك من فگدته و بذمتك وبعدها نفصلتو وهسه ان جان بسببك او بدون سبب لخاطر ابنها

- عاين هسه بس خل يردلها نظرها ان ما نكرت معروفك وشمرت ابنها عليك هذا شاربي موش عليه بس خل تتگوه شوي وعاينها شراح تسوي