مزنه في وگر الشيذمان

...35...

#مزنه_في_وگر_الشيذمان
بـقـلـم / شهد الحسناوي
البارت الخامس والثلاثون

جا والشيب
أشوفن تضوي شيباتي
أخافن عيب
أرد الذيجه صفناتي
بطلنه العشك ياعين نامي وضمي دمعاتي
ما أسهر بعد ياليل
ما ارسل تحياتي
ماصدكت جرحي ايطيب ليش أرجع الجماتي
هذا العشك ركضه ايريد وانه اعثر ابخطواتي
خليني اويه شيباتي
جا والشيب
ما ارد للمحبه اردود
لتكلي
الكمر موجود
أخاف اويه الكمر تصوير
وانه ابشيبة
المكرود
واخافن انسه ضحكاتي
جا والشيب

** بدون انتقاد لطفاً

مـزن

انتبه عليه وعلى كلامي
- انتِ صدك ما تعرفين شي امج ما حجتلج مالها عين

ابتسمت بقهر وكتله
- امي ما تحجيلي كلشي اصلاً

- ليش شني السبب

- ما ادري شنو سر كُرهها الي و عدم تقبلها انو اني بنتها حالي حال الباقين

ملامح الصدمه ضهرت على وجهه
- صدك تحجين امج هاي على طبعها ظلت ما غيرها الزمن

- ما تصدكني حقك بس هي هاي الحقيقه امي طول عمرها ما حبتني وحنت عليه مخليتني خدامه الهم وتأذي بيه طول هالعمر ما فد يوم عاملتني معاملة الام لبنتها مجرد تعيط تصيح تضرب و زوجها ...
سكتت و الدمعه صارت بطرف عيني
هو يباوع عليه بصدمه و بذهول من كطعت كلامي عكد حاجبه

تقرب عليه وگـال
- شماله زوجها يأذيج

رفع ايده مسح بيها عيوني
- شمالج يالمزن احجي

تشجعت و حجيت بخنگه
- نظرته قذره تجاهي اخاف منه ومن نظراته هو شكد اذاني يتهمني بشغلات اني ما مسويتها يحرف هواي اشياء ويروح يكولها لامي ويخليها تحجي عليه وتضربني ،،، كدامها يصيحلي بنتي و وراها يحاول يتقربلي واني امنعه وانهزم منه واكثر من مره ضربته
هو نفسه اللي انتَ دافعت عني و وكفت بوجهه بترگيا من جان لاحكني

ملامحه طغت واحتدت رفع ايده لشعري
- هو گص شعرج

بس تذكرت شعري شلون جان وشلون صار
بجيت
- اي هو بوكتها جنت نايمه بلغرفه وناسيه اقفلها حسيت بلمسات على شعري بعدها من كمت شعري صار يوكع عليه كله

سحبني لحظنه مسح على شعري وگال
- اخذلج حكج منهم كلهم وعلي واحد واحد الاذاج راح يدفع الثمن غالي اخليهم يذلون روحهم الج ويدنكون لچدمج يطلبون السماح

- ماريدهم كلهم فيصل ولا اريد اشوفهم انساهم واوعدني ما تسوي شي

- اذاج شني ما اسويله شي بس خلي اعاينه الا اكضي بي التوبه ع اللي سوا بيج و بينه

ابتعد عنـي واخذ خصله من شعري بـ ايده وگـال
- لعلمج انه احب الشعر الكِصير مثل صاحبته