مزنه في وگر الشيذمان

...9...

#مزنه_في_وگر_الشيذمان
بـقـلـم /شهد الحسناوي
البارت التاسع

لا تلزم راسنها وانت مو خيال
ترة أيخوف ظهرها أو بالمشي ترهب
ولا تگعد تسولف يم بشر طرشان
المايفهم المعنه بالحچي أيتعب
ولا تكتب شعر ويشوفه مو ذواق
صدگني يضيع أشكثر ماتكتب
الماشايف الدله يدوخ بالفنجان
مايعرف يهزه أشما تصب يشرب ..

مَزن

مرت عمو كاعده تبجي وعماتي دايره مدايرها
وصياح عمو رسول وويا عمامي يرج البيت

وناس و رنس راحن يم امهن واني ضليت واكفه بمكاني
شفت حبوبه رحت يمها وكتلها
- شكو المن هالبجي

- يحبوبه هذا سعيدان الما يكعد راحه بهلمسيه متعارك ويه زلمه و طاكه على شني مادري

سكتت نوب سمعت اصواتهم سعد وعمو رسول
- شني ما تفتهم انتَ جاي اكلك يتجاوز عَلي

- بشني يتجاوز عليك سعد وهيج تگوم فجه الزلمه دخل للمستشفى

ظلو يتناقشون و واحد يرد الثاني وعمو حسن يأنب ابنه تاليها جدو سكتهم
طلعو وسعد وياهم باوع عليه خزرني صديت منه نوب سمعت صوته يحجي ويه امه
- المن هالنعي بسجن ماكو شي

مسحت على ايدي وكالت
- روحي نامي حبيبه

بستها و رحت بست جدو هم وصعدت مدتت شويه و رجعن صعدن وناس و رنس فرشن ونامن ظلينه نحجي سوا لحد ما غفيت

كعدت ثاني يوم حسيت الدنيا بارده غسلت وبدلت ولبست كلاو ضميت شعري ودفيت راسي ونزلت صبحت عليهم وكعدت جدو يباوع عليه ومبتسم رديتله الابتسامه ورحت كعدت يمه
- هاي عود ليش انتو حلوين

ضحك وكال
- من الله يبعد جدج بس انه منيلي ماخذني الشيب

- لا لا جدو بعدك شباب انتَ وعمو رسول مثلك

ندار عليه من سمع اسمه مر بلطاري ضحك وكال
- عينج يبت اخوي لو ناويه الا تطكيني بعين

- لا عيني احنه منحسد بس جاي احجي عن جمالك انتَ وجدو

ضحكنه سوا ونظرات عماتي عليه ما عاجبهن هيج احجي وكلشويه غاثاتني بحجايه بس عمو يردهن شويه وكمت من يمهن طلعت للحديقه لكيت عمو حسن كاعد جوه السدره يشرب جاي
كعدت يمه
- شلونك عمو

ابتسم وفتحلي اديه
- هلا بحبيبة عمها

تقربت عليه حظني وباس راسي
- عمو تدري جنت كلش اشتاقلكم واحبكم

- واحنه هم نحبج بعد عمج انتِ عندي بحسبة بنياتي وناس و رنس بس الظروف بعدتنه وهسه ننسى المضه وعلينه بلجاي

- ادري بيكم تحبوني لان اني محبوبه

- عاينو الثقه الكشره

ضحكنه على حجي يوسف اجه كعد كدامي
- شعندج متوسده حظن ابوي ؟