مزنه في وگر الشيذمان

...47...

#مزنه_في_وگر_الشيذمان
بـقـلـم / شهد الحسناوي
البارت السابع و الاربعون

مو ذنبك حلاتك كل ذنب ما بيك
لكن صووج گلبي لما يگدر يصبر..
شگد ردت أكتفي بالنظرة الأولى وياك..
أغمض والفصوص من الجفن تطفر
يا نظرة برائه تضل برائه وياك
أذا نضراتي چانت بالجلد تحفر

مزن

- منتظر طالع من العمليه و زين لچن يوسف بعده
حجتها وظلت تبجي

اخذته وفتحت مايك كتله
- عمو شبي يوسف

- بنيتي مابي شي ليش عمتج بجت طمنيها بعدهم ما طالعين من العمليه شي اكيد يوسف يطول لان زرع الكليه موش هَين

ظل يحجي ويه عمه واحنه كاعدين يمه اخيـر شي سمعنه صوت سعد صاح
- بويه شني السالفه عاين منتظر وعلي راح اروح اخيط حلكه

وفيصل يكله
- حطيت عگلك بعگله بعد شيخلصنه

- عاين فضحنه ما خله واحد ما جاب طاريه حتى جدي حركه حرك وهو بكبره

- شمالك اخووي سكت هسه فكه البنج

- ولك هو عاين الممرضه كضته ساح وطكله صفنه بوجهها

- چا وانتَ

- اسكت فيصل لخاطر الله

قاطعهم عمـو وسكتهم ثنينهم
عمه ابتسمت وكالت
- شمالهم الضراير

كالها فيصل
- يمه هذا سعيدان يحرم ع الوادم ويحلل على روحه بس ارد انه احجي كلشي لترف

ترف جانت كاعده توهـا جايه من الدوام وروحها بخشمها لان بشهر السابع وعدها اوجاع بس الحلو ماعدها بطن وما مبينه بطنها صغيرونه كلش ولا عبالك سبعة اشهر بحملها
هي سمعت هيج كالت
- فيصل شبي سعد

هنـا سعد بينت نبرة صوته بضوجه كال
- اشتعلتت فيصل هسه هم اكض عليك شي واكله لمزن

- ماعندي هيج سوالف انه

خبلوهـا لترف وخلوها تلطم على راسها
- تصادق عليه سعد خوش خوش

- عاين شلون اخذتها شسويت انه هي تغزلت بـ ابوي و انه رديتهاا

نوب شعلها شعل للسالفه اخر شي عمه سدته رجعت يمي ترف كعدت نداريت عليها وكتلها
- جنتي تحبي قبل الزواج

- هواي مزن هواي سعد روحي و دنيتي

- شلون حبيتي

- جفلني بعيونه بيومها طيح حظي ومن هالطيحان حظ حبيته فديوم نكعد واحجيلج السالفه كلها

- ان شاء الله كومي ارتاحي

راحت ترتاح ظلينه اني و عمه تاليها كالتلي
- يمه جيبي سيوفي وعايني رنس شمالها لا اكل ولا شرب من امس

خليت سيوفي يمها كعد يلعب بشيلتها هاي عادته من يكعد بحظن عمه يظل يجر بلشيله
اما اني يعض ويهمش ذيج الفتره خدي صار خريطه من ورا