مزنه في وگر الشيذمان

...40...

#مزنه_في_وگر_الشيذمان
بـقـلـم / شهد الحسناوي
البارت الاربعون

أطگن ورد من تجزي
وألف نمام يتحنة
بترف جدميك
أطيرن فوگ
فوگ الفوگ ،
أكتن ع الورد مزنة
من أشوفك ،
أنذر النجمات
ترچيه لسوالفنا
- مظفر النواب

مَـزن

راح يمها فيصل وگال
- يمه شمالج صوتج واصل للباب

- خله يوصل سعد وين راح

- راح يتونس راح يسافر شتردين منه

- فيصلل

- راح سَفره و فترة نقاهه يرفه عن نفسه تعرفي كلش زين هنا جاي يتأذه وتضلن تحجن يمه خله الزلمه يعاين حياته و يردلها طفرتوو روحه انتِ من جهه وعماتي من جهه ثانيه يحجن براسه سودنتو

هي سمعت حجي فيصل
شلون جان عَصبي ويحجي بحركه
سكتت و راحت ليغاد گعدت

خله ايده على جتفي وگـال
- كِعدي هنا حبيبي بسد رنس و رقه لبين ما نروح وشني اليحجنه لا تديرين بال

ابتسمت
- تدلل لا يظل بالك

رحت كعدت بنصهن واخذت ملاك بحظني
همست رنس
- شني السالفه اعاين الوجه مورد الورد

خزرتها
- ماكو شي عيناي .... جاي تقرين للسادس

- اي والله ياخيه تعبت انـه

- تهون حبيبتي

- فيصل گـال من يبدي الدوام ويخلص تبدي فترة المراجعه اجي يمكم حتى هو يعيد عليه المواد وره الخصوصي ويدرسني بفراغه

حجيت بفرح
- فرحت والله من سمعت راح تجين

ضحكت وگـالت
- انه هم فرحت هواي

- انتِ شوكت ما تضوجين تعالي يمنه ماكو احد وهم تدرسين براحتج واحنه يمج والبيت بيت اخوج

- فدوه لاخوي ومرته

ضلينه نحجي نوب رنس مدت ايدها لحجابي تعدل بي
- رنس ترا عدل

ضحكت وگالت
- اسكتي بـ روح العزاز المصايب باينه وهذني طكن ،،، عيونهن عليج

فـد خجلت من الموقف
- يبوووو ... عليج الله رنـس صدك

- هاي شبيج والله جهة نحرج جان باين كِله متعاينين وجوهن تگلبن وضلن ينافخن

سكتت و رنس همست
- گفوو من اخوي گفوو خل اروح احبه من جبينه خوش مسوي بيج نياشين

كفختها و خزرتها وهي مستمره تضحك

نداريت على رقه وگتلها
- بشري شلونج الحَمل شلونه

- شبشر خيه بعدني هسه يالله راح بلثامن بس خانكني حيل خاصه من انام ... والنهار كِله ويه ملوكه حَركه وما تكعد ومكضيتها اتراكض وراهه