مزنه في وگر الشيذمان

...46...

#مزنه_في_وگر_الشيذمان
بـقـلـم / شهد الحسناوي
البارت السادس والاربعون

* اسفه جداً على دموعكم اللي نزلت بـ البارت السابق
لكن هذا واقع حال وحادثه اليمه وصلتها الكم 💔

نُطِقت الشهاده من ثغر ذلِك الوحواح
ونزل النجيع بين عينيه كـ هَب الرياح
َأفل ضمأ الروح وضَلت اعسان الجروح
غرقت المدامع بـ دمعٍ كالسديم
في اجفانها ترى احلام السنين
من بَين خضم الناس رَمل بأقدامه ولديه نبراس
اما ان يقطع الفأس بالفأس
او يأخذ الصنديد قَلب الحديد
اما ان تخشى الترائب موت الغرائب ..
بـ قلم المُبدعه ithuda

مزن

نزلت نظري لرجلي كلها دم رأساً
سحبوني رنس و تَرف للحمام غسلت وطلعت
- شمالج مزنه

بلعت ريكي وكعدت
- جنت شاكه بنفسي حامل بس يمكن وكع لان نزل دم

عتتني من ايدي
- صدك تحجن انتن اذا اكوم اكلها لامي هسه فوك قهرتها تسحلج حوامل وما تديرن بالجن على روحجن فوك الموت الصار عدنه تردن تموتن هذني الارواح حتى يطيح حظنه

ضاجت وكامت تصيح
- شيصير بينه بعد

فوك القهر وصياحهه ظليت ابجي
جتي تسكت بيه مسحت دموعي وحظنتني
- كافي اسفه والله مزن تدرين بيه شكد احبج ... هسه اوصيلح تحليل حمل ونتأكد

- منو يجيب

- اكله لذو الفقار يجيب من الصيدليه مابيها شي

- لا رنـس عيب

سحبت عباتها وكالت
- چا انه اروح

نزلت هي واني وراها رادت تطلع منتظر ما قبل وظل يصيح عليها
- شمالج

سحبها من ايدها دخلها
- انتَ شمالك منتظر هد ايدي تأذيني

- اشتعلو وين تردين تطلعييين تعبريني وتمشين ليششش لج

- اهدئ لا يطكلك عرچ المن الصياح

- اهمج انه لَون اهمج ما جان سجيتي بلايه حس

- وين اسج يعني وين اولي كتلك اريد اطلع واخذ ذو الفقار وياي

- عمج اخذو يدفنو وانتِ تردين تطلعين شكد كويه

نزلت دموعها وحجت بقهر
- شتگصد يعني انه ما حزنانه لا حزني بكلبي ومحد يعرف بيكم شكثر مقهوره لچن كتلك اريد اروح للصيدليه

- شتردين من الصيدليه انه اجيبلج

باوعت عليه وكتله
- منتظر خويه هو الي مو لرنس شي خاص وماكدر اكلك والله لهذا وصيت رنس

ندار على رنس وكال
- امشينه چـا انه اخذج

- ماروح وياك تصكع بيه بلشارع